竇靖童一向形象前衛，喜歡中性打扮，但就遺傳天后王菲同竇唯嘅音樂天份，早前為電影《七月與安生》獻唱主題曲《It's Not A Crime, Its Just What We Do》，一人包辨作曲、填詞，真係好有才華。一部《七月與安生》仲令童童同影后周冬雨及馬思純成為好朋友，早前周冬雨被影到右腳上有一條直線紋身，與童童臉上，被網友戲稱為「死亡風」紋身一模一樣(相關新聞﹕http://bit.ly/2eYwJ9W)。加上童童同周冬雨經常被人影到一齊逛街、睇話劇同遊埠，密友關係變得撲朔迷離。最近大陸節目《快樂大本營》邀請咗童童、周冬雨同馬思純再度合體，獻唱S.H.E經典歌《Super Star》，三人默契十足，每當童童唱歌，現場觀眾嗌得特別大聲。而最離奇嘅係，童童臉上嘅「死亡風」紋身唔見咗，就連手上嘅紋身都冇埋。但童童近日喺社交網上嘅新相，紋身依然喺度，有網友就問童童夠用咗邊款遮瑕膏效果咁好，另內地有傳媒就話係製作單位幫童童P走晒所有紋身，唔知係咪上電視要轉番個健康啲嘅形象呢？！
| 童童上大陸節目，臉上嘅紋身突然消失咗。(網絡圖片) | | |
| | | |
| |
來源 source: http://s.nextmedia.com
|
鍾意就快D Share啦！
|
|
|