劉穎敏受訪時，覺得自己衰太平均。
12位入圍嘅候選香港小姐近日喺台灣進行外景拍攝，但今日就宣布有一位候選佳麗慘遭Foul出局，而最終不幸被Foul嘅就係劉穎敏（Angela）。
Angela今晚喺社交網用英文寫下長文表達被淘汰嘅心情：「今日我意外在評判投票之下淘汰。我想感謝所有人的支持及好意－我被很多的愛而受寵若驚。我在這個難以置信的旅程中學懂很多，如演戲及跳舞，所以我好榮幸獲選為2017年香港小姐的12位參賽者。香港小姐絕對不是常見的選美會，而像是一個瘋癲狀態、連串訓練來增加自信心、學新技能與及在大壓力下演出。係呀，我仍會在節目上出現，好讓你們取笑我的差勁舞技。多謝TVB給予這個機會，我已完成我的夢想。」
而劉穎敏再次接受傳媒訪問時，坦言覺得自己不足之處是太平均，沒有一方面特別突出，說話方面亦是表現較差的一環，廣東話亦不好，有時問題都不能了解，但她指選香港小姐都好公平，每個女仔有同一機會，學到的都是一樣。問會否去食餐勁時，她謂：「我約晒佢哋，選完一齊去食薯條、炸雞，平時唔可以食嘅都食晒佢！（之後有何打算？返英國還是留港？）未知，兩個地方都好鍾意，英國有英國好，香港有香港好，睇吓有乜嘢畀我發展。」
來源 source: http://hk.on.cc
|
鍾意就快D Share啦！
|
|
|