大學聯招（JUPAS）剛剛放榜，一切塵埃落定，有人歡喜有人愁，上到八大固然開心，但落榜之人除了副學士、HD等選擇外，還有其他出路嗎？Kinki的例子，是最好的參考。2年前她考完DSE後放棄讀書，嘗試製作手工千層蛋糕。兩個月前更在太子界限街開了屬於自己的蛋糕店LamLamLi Bakery。雖然Kinki人仔細細，但開業至今，已經每月賺六萬，不可小看。
LamLamLi主打不同口味和款式的千層蛋糕，如人氣產品抹茶流心千層蛋糕，全部都由Kinki一個人手工製作。店內蛋糕以層數和尺寸大小來定價，每個約＄120至$230，切件蛋糕則＄32至＄35一件，比起一些蛋糕名店的千層蛋糕可謂相當抵食，但在旺角小食地段又算貴。不過Kinki指訂單已排至9月中，店內每日只提供40至80件切件蛋糕即場售出，往往幾個鐘頭便賣哂，相當巴閉。
相關連結：
【壹盤生意●熱爆旺角】下午兩點已無千層蛋糕賣 少女有苦衷……
http://bit.ly/2htHF07
【壹盤生意●創業錦囊】發大來做 研發慳人手的副產品
http://bit.ly/2htNJ9a
Kinki來自普通家庭，是上屆DSE考生，只考獲11分，她亦坦言自己對讀書沒興趣，「其實我一直都無諗過要再讀書，讀完中六之後都喺打算出來打工賺經驗，好過讀一啲唔相關嘅科目，浪費時間同錢。」中五開始她棄修經濟，在職訓局（VTC）選修西式糕餅課程，又在外面讀了有關蛋糕製作的課程。在修讀其間，Kinki除了學習控制食材成本，還掌握了做千層蛋糕的精粹，就是煎皮的秘訣，為她的蛋糕手藝打下基礎。
LamLamLi的前身是IG熱店lamlamli_bakery，中四時Kinki偶然在IG中上載自製蛋糕的照片後，被朋友「問價」，觸動了Kinki開店的念頭，「開頭都只喺諗住得一兩個人問你姐，但去到後尾就越來越人問。」上學期間Kinki只在假日工作，但不足4年間，她已賺了20多萬，加上自己另外打工儲下的幾萬元，Kinki成為了紅簿仔中有超過30萬的「小富婆」。當很多人夢想靠父幹上車的時候，Kinki把賺到的錢都存下來，打算和父母一起買樓。原來Kinki與父母和外祖父母同住一個兩房的公屋單位，沒有自己的房間，「屋企太多人，有時你會好想有個多一間房嘅屋，因為依家喺兩房。我也想屋企人住的環境好啲，咁我知屋企人自己儲緊錢，我自己都想佢地儲埋一份。」這就成為她搵錢做生意的動力。
上年十月，食環署控告Kinki在IG無牌經營，唯有放棄網店。經慎重考慮和得到父母支持後，決定開一家有牌的實體店，「唔想衰俾人睇！」Kinki最終選定太子界限街的一個地舖，由於舖位上手租客也是做相關生意，所以Kinki用30萬把舖位連裝潢設備和牌照，一併頂下來，只需自置一個四千元的冰箱即可，省卻她不少準備功夫。
撰文：方婉婷
攝錄：梁正平 林金展
相關餅店生意:
【踩入工場揭秘】黃寶欣蛋撻至把炮 全人手製368層酥皮
http://bit.ly/2uyFCJB
【首日試業生意好】騰雞黃寶欣密密手 收銀都做埋
http://bit.ly/2hAZ9I6
更多壹盤生意：
【壹盤生意●梁詠琪都買】80後翻生車衣廠 拉20女工「啤」口水肩搵食
http://bit.ly/2eEZBE5
【壹盤生意●徵集工廠妹】女人明白女人 老闆：「暑假採彈性上班時間」
http://bit.ly/2vxj0Lk
【壹盤生意●創業錦囊】做生意成本愈來愈平 成功要靠呢樣嘢
http://bit.ly/2ummcKY
|
鍾意就快D Share啦！
|
|
|