熱爆娛樂: 離開娛圈 22年　三星期減 10磅　 52歲黎明詩跑步戒酒上電視 [壹週刊

2017年8月10日星期四

離開娛圈 22年　三星期減 10磅　 52歲黎明詩跑步戒酒上電視 [壹週刊 - 1431] __,黎明詩,黎明,M1,

5月 132磅

探熱針

離開娛圈 22年　三星期減 10磅　 52歲黎明詩跑步戒酒上電視

52歲黎明詩，早前宣布與同性密友 Kelly相戀，大方承認出櫃，敢言敢行獲不少人支持。重新出發，絕跡熒光幕二十二年，多次被邀在大台亮相的她，早前終答應無綫在懷舊節目《流行經典 50年》開腔唱歌。曾經肥到 132磅的她，為要弗爆見人，積極跑步游水甚至戒酒，三星期成功搣走十磅肉。

筋骨仍軟

25年前 102磅

上週六（八月五日）晚七時半，黎明詩跟女友人在跑馬地出現，入到馬場二人即拉筋熱身，穿上粉橙色 T恤短髮的黎明詩，看上去較以往清爽，估不到年過半百的她筋骨柔軟，甚至將腳拉過頭。

熱身十多分鐘，黎明詩與女友人隨即沿馬場跑圈，跑足一小時，汗流浹背的黎明詩才與女友人離開。

積極減磅

據知，黎明詩為了本月十四日《流行經典 50年》的演出十分緊張，平時愛飲兩杯的她，連酒都戒了。「 Stephanie（黎明詩）一係唔做，要做就要做到最好，無綫搵咗佢好多次，佢都推咗，因為知道自己近年肥咗好多，上鏡唔好睇。早排無綫再搵佢，佢即刻應承。原來佢下定決心減肥，呢幾個星期不斷跑步、游水，又約細妹去打拳，食好少嘢，連酒都唔飲，而家睇落冇之前水腫，幾個禮拜減咗十磅，對佢嚟講好勁喇。」知情者說。

上週六在跑馬地捕獲黎明詩與女友人。

黎明詩性格爽朗，與友人談天說笑，輕輕鬆鬆做熱身。

一入馬場，黎明詩就左右踢腿，過半百的她，筋骨很柔軟。

黎明詩拉筋拉足十多分鐘，臨跑前一副戰鬥格。

跑足一粒鐘，黎明詩才與女友人離開。

122磅　經過三星期的努力，黎明詩成功減了十磅，開始見腰。

今年五月，黎明詩大方承認與同性密友 Kelly相戀。

再出唱片

減磅距離目標尚有五磅，黎明詩沒有放軟手腳，反而加緊狂操直到錄影當日。「 Stephanie對今次演出好認真，話晒廿幾年冇上過電視唱歌，唔同去卡拉 OK玩，除咗一早搵定衫，仲揀咗一快一慢兩首歌唱，總之唔俾自己有咁大壓力。」依然有條唱歌癮的黎明詩，正構思與樂壇新人合作推出復刻版黑膠唱片，「佢覺得同新人合作有火花，嚟緊會搵舊歌翻唱，最好有慈善性質，不過，一切都等佢上完節目先再打算。」黎明詩身邊好友透露。