網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月10日 星期四

過氣特首生活 曾蔭權 G4護送買鹹鴨蛋 [壹週刊 - 1431] __,特首,曾蔭權,M1,

探熱針過氣特首生活 曾蔭權G4護送買鹹鴨蛋林鄭月娥成為新一屆特首,之前的三位過氣特首,再沒有官職在身,生活變得平民化,好似第一屆特首董建華,年屆八十歲 ...


探熱針

過氣特首生活 曾蔭權 G4護送買鹹鴨蛋

林鄭月娥成為新一屆特首,之前的三位過氣特首,再沒有官職在身,生活變得平民化,好似第一屆特首董建華,年屆八十歲,同老婆趙洪娉依然恩愛,加埋成一百六十歲,都拖手行置地。

而因為被判公職人員行為失當罪名成立的曾蔭權,就趁住這段等候上訴期間,爭取同家人相處機會,更貼地到親自落中環買鹹鴨蛋。

卸下煲呔

第二屆行政長官曾蔭權,被判公職人員行為失當罪名成立判刑二十個月,成為香港有史以來首個因為在任期間觸犯刑事罪行,而被判處入獄服刑嘅前任最高級政府官員,服刑兩個月後在四月底獲准保釋等候上訴,九月二十六日會再開審,等候上訴期間,曾蔭權當然要好好享受呢段自由時間,帶埋親戚同老婆去中環行街。

曾蔭權在任期間,幾乎每次都會戴住招牌「煲呔」出席所有活動,「煲呔」就好似象徵住佢嘅特首身份,但被判公職人員行為失當,曾入獄的曾蔭權滿頭白髮,無再戴住「煲呔」睇落去蒼老不少,但仍然著住西裝外套現身中環。

陪老人家等巴士,等咗二十分鐘都無唔耐煩。

兩公婆主動扶實老人家過馬路。

有途人認出前特首,上前問候仲送咗本書俾佢。

九月再開審

曾蔭權親手攞住袋鹹鴨蛋行街市。

老闆指曾蔭權買咗一支辣椒醬同四隻鹹蛋。

前特首買嘅鹹鴨蛋盛惠$2.5一隻。

送老人家搭巴士

日前《壹》仔見到曾蔭權同太太曾鮑笑薇,連同兩個 G4保鑣,在下晝三點現身中環皇后大道中,一行四人先去恒生銀行嘅私人理財中心,逗留了三十分鐘,可能係因為就快又開審,要處理好啲個人財務。之後就上咗隔籬陸佑行,過咗無耐佢哋接咗一個老人家落樓,雖然老人家身邊本身已經有個工人陪住,但曾蔭權兩公婆都好主動咁去扶實老人家。

佢哋一直沿住 Landmark行,行到去一個巴士站就停低,陪個老人家等巴士,等車期間有途人認出曾蔭權,走咗上前同佢打招呼,仲同佢傾咗陣偈,最後個女途人送咗本書俾曾蔭權然後離開,等咗大約二十分鐘,婆婆就上咗架 88R往沙田第一城嘅巴士離開。

親自買鹹蛋

送完老人家上巴士,曾蔭權同太太仲有兩個保鑣就繼續出發,行到去嘉咸街入了一間專賣調味料興隆醬園,買了四隻咸蛋同辣椒醬,卸下「特首」職位,曾蔭權做事親力親為,買完嘢全程自己拎,無假手於人。之後佢哋一行人就上咗政府 AM車牌嘅七人車走人,距離九月二十六日又再開審,曾生趁這段時間較得閒,爭取同老婆相處機會。

董建華又行中環

至於另一位前特首董建華,同樣在中環出現,《壹》仔見到他帶埋老婆現身中環 Landmark,呢日大概下晝四點幾,佢同老婆拖到實行街,原來佢同老婆兩個今年都已經成八十歲人,但都依然恩愛,真係不得了。不過 A1果然係 A1(當年有報導指董太坐飛機時,指定要坐頭等 A1位置),都已經八十歲人,戴上黑超再繑埋雙手嘅佢依然係氣勢凌人,唔知當年佢要求坐 A1嗰陣係咪都咁霸氣呢?回歸正題,身為前特首又係全國政協副主席嘅董建華,身邊梗係有保鑣跟實保護安全,同老婆拍住拖行咗一陣,佢哋兩個就出咗置地門口上咗架政府車離開。

兩位加埋有一百六十歲,仍然手拖手,十分恩愛。

兩公婆拍拖,有 G4保鑣跟實,確保安全。

戴住黑超繑埋雙手,仍然係氣勢凌人。

前特首董建華,現為全國政協副主席。

董太 2003年沙士期間探病人全副武裝上陣,被笑稱「幪面超人裝」。

新任特首林鄭月娥及丈夫林兆波。

至於梁振英卸任後,主要任務是陪女兒齊昕醫病,早前他與齊昕放狗期間,疑似踩中「地雷」。

14年 CY一家出席三女梁頌昕劍橋大學畢業禮。

曾蔭權入罪過程

2012年 2月

被揭發接受富豪款待,包括乘坐私人飛機及遊艇;此外亦出席了澳門娛樂場貴賓廳的活動。

2012年 3月及 6月

被揭貪污醜聞,曾蔭權在三月及六月兩次公開道歉。

2015年 10月

被廉署正式起訴兩項「公職人員行為失當」罪及一項行政長官接受利益罪。

2017年 1月

高等法院正式開審

2017年 2月 17日

一項公職人員行為失當成立;另一項則不成立,而行政長官接受利益罪未有共識,所以未有裁判。

2017年 2月 20日

被還押監房等候裁判

2017年 2月 22日

判刑 20個月

2017年 4月 24日

獲准保釋出監等候上訴

2017年 9月 26日

上訴開審

特首退休福利

曾蔭權公職人員行為失當成立理應被去除所有特首退休福利,但因現時仍在等候上訴階段,所以他仍可享有原本福利,現時出入仍有政府汽車連司機服務及保鑣保護。

1. 可使用位於中環堅尼地道的前任行政長官辦公室。

2. 提供汽車連司機服務。

3. 出入有保鑣保護及住所保安安排。

4. 前特首及其配偶使用香港國際機場貴賓室。

5. 前特首及其配偶可享有終身的醫療牙科福利, 21歲以下未婚子女亦受惠。

前任行政長官辦公室。

有政府車及司機接送。

出入有 G4保鑣保護。

撰文、攝影、攝錄:娛樂組


鍾意就快D Share啦!