相隔18年拍《貪狼》同古仔生女
42歲雪兒闊太童顏復出
【《蘋果》專訪】
或者，電影《殺破狼．貪狼》的最大驚喜，並不是古天樂獻出其動作片的第一次，也不是林家棟的機關槍式泰文演繹，而是重返銀幕的雪兒所展現的凍齡奇技。42歲的雪兒已是豪門少奶奶，樣貌跟18年前首拍葉偉信執導的《爆裂刑警》時一模一樣，連古仔也感到驚訝。
已為闊太的雪兒日前與古天樂宣傳新片，42歲的她凍齡有術。攝影：沈健程
現年42歲的雪兒與古天樂相隔18年再在影壇合作，於《殺破狼．貪狼》飾演一對夫妻。「感覺係冇變過！」單是聽到雪兒的招牌爽朗笑聲，古仔便感受到老拍檔存在：「無論佢外表同佢個人都係咁樣笑，真係『老蓮』咁遠都聽到！」日前二人聯同戲中女兒陳漢娜（Hanna）「一家三口」接受本報訪問，縱使今次雪兒戲份不多，但肯定令人印象深刻，全因其外表跟十多年前完全冇變。
【今年】
雪兒在《殺破狼．貪狼》扮演古天樂老婆，在戲中因車禍喪生。劇照
【01年 《尋秦記》】
當年雪兒拍《尋秦記》和古仔合作，演趙倩的她叫人印象深刻。
【99年 《爆裂刑警》】
雪兒拍攝第一部處女電影《爆裂刑警》，就是與古仔合作。
周圍飛湊仔女
也許是緣份促使雪兒參與拍攝，但最大推手當然是古仔，他說：「嗰時諗邊個做我太太，啱啱電視台又重播電視劇（《創世紀II天地有情》），不如搵雪兒做啦，我同佢不嬲都有聯絡開。」雪兒對上一次銀幕演出，已是08年的《灌籃》，畢竟久疏戰陣，她起初都有點擔心，但聽到古仔保證說不會辛苦，才答允演出：「我第一部電影係《爆裂刑警》，同葉偉信合作又有古天樂。當係一個reunion囉，又見吓啲old friends，幾開心！」
雪兒2010年嫁給GHM酒店集團太子爺Ajai Zeda後定居新加坡，近年隨丈夫四出公幹，以及照顧丈夫與前妻的子女，她說：「佢哋讀寄宿學校，因為喺唔同國家，所以都會去Scotland或者Switzerland。大部份時間我係搭緊飛機。」雖然忙碌，雪兒也渴望可抽時間一過戲癮，她說：「如果有興趣嘅project都會（接），action類型囉。唔識㗎，但係學吓」
陳漢娜（右）在片中演古仔與雪兒的女兒。
雪兒與GHM酒店集團太子爺Ajai結婚7年。資料圖片
轉型拍動作戲
說起來，年拍逾5套電影的古仔，拍武打戲還真的需要學習，事前除要死記招式，臨場亦綵排了很多次，幸好導演也讚他有板有眼，古仔說：「去到後面我一個對四個，四把刀我一把刀，顧得呢邊又顧唔到嗰邊，都俾佢啄幾刀，或者我啄到佢幾刀咁！」但原來古仔一直喜歡睇動作片，只是一直無緣參演，今次之後他更渴望「長打長有」，他笑說：「最好就部部都打㖭」
至於陳漢娜，除了樣貌跟雪兒有幾分相似，兩人還有一個共通點，就是處女作同樣獻給了葉偉信，陳漢娜說：「未開拍之前都幾緊張同好大壓力，因為我完全冇演出經驗。好驚會做錯晒啲嘢，影響成隊crew。佢（古仔）會令到現場氣氛好放鬆，到埋位真係冇咗份緊張。」
採訪：何永寧、馮國康、Sapna
|
鍾意就快D Share啦！
|
|
|