【囝囝重7磅】Bob仔今日出世啦 林盛斌：老婆肚皮可以收工 __,Bob,林盛斌,

恭喜，恭喜Bob第四度做老竇！今年37歲嘅林盛斌(Bob)，同老婆Pearl育有3個囡囡，到舊年年底Bob嫂再度傳出有喜，而Bob終於打破外父相宿命， ...

恭喜，恭喜Bob第四度做老竇！今年37歲嘅林盛斌(Bob)，同老婆Pearl育有3個囡囡，到舊年年底Bob嫂再度傳出有喜，而Bob終於打破外父相宿命，兩公婆今胎追仔成功。早前Bob仲幫囝囝改花名做「大兜仔」。今日「大兜仔」終於出世啦。今日下晝，Bob喺微博貼出短片，只見Bob仔面圓圓紅卜卜嘴仔嘟嘟，喊起上嚟好大聲。連身邊嘅媽咪都笑住話：「喊得咁勁嘅！」四度做老竇嘅Bob就回覆《蘋果》話：「好開心，好開心囝囝出咗世，母子平安，囝囝7磅重，我有陪太太Pearl入產房，佢好勇敢，三個姐姐剛見咗細佬，佢哋好興奮，期待細佬快啲返屋企同佢哋玩。我好感謝QE呢度醫護人員悉心照顧，見到太太咁痛咁辛苦同我生BB，好偉大，佢要乜我都奬畀佢，任佢魚肉，成個人成副身家送畀佢，不過講係唔及我實際關心佢，我哋四個夠晒數，太太肚皮可以收工。我仲要多謝朋友同網民嘅祝福，多謝晒。囝囝名字未改，交陳定幫師父改。」之後Bob再興奮補充：「見到囝囝何b仔好壯大，好有衝勁，應比爸爸呢方面更強大。」問佢一索得男係咪好開心，Bob就話：「唔係一索啦，摸到第四索，我唔係專登追仔，無論仔又好女又好都鍾意，因為我同太太都好鍾意小朋友，無論仔定女都咁愛錫咁愛護，仔就少少驚喜，之前都係生女，見到仔仔慈菇椗好勁抽，佢真係『勁抽仔』。」咁搞法，阿仔真名未改，已經有好多個花名喎！想隨時獲得更多親子資訊，快啲like Easy PaMa Facebook

https://goo.gl/1qWM8g

	Bob仔今日出世啦，重7磅。	紅卜卜勁可愛。
(Bob微博截圖)	仲喊得好大聲。(Bob微博截圖)	(Bob微博截圖)
Bob今日喺微博宣佈喜訊。(Bob微博截圖)

來源 source: http://s.nextmedia.com

鍾意就快D Share啦！

下一篇 》