見李香琴精神唔錯，仲好貪靚咁搽埋指甲油添。
85歲資深藝人李香琴近年健康狀況成疑，其好友譚炳文日前出席公開活動，問到有冇探望李香琴？譚炳文就透露已經11個月冇見過對方，佢仲話：「佢唔行得又唔走得，搵佢做咩啫？佢可能捱緊苦，費事搵佢。」令大家更關心李香琴依家嘅情況！
今日藝人黃夏蕙就喺社交網上載去探香琴姐嘅相，令關心李香琴情況嘅朋友可以放下心頭大石，相中嘅香琴姐精神唔錯，仲搽埋粉紅色指甲油，真係勁貪靚呀！
而同行去探李香琴姐嘅仲有譚炳文女兒譚淑瑩同一名女友人，佢哋三個仲同李香琴合照，夏蕙姨同李香琴又一齊拎住個金雞擺設，夏蕙姨留言話：「我同瑩瑩一齊去探香琴姐，佢身體好番好多啦，仲認得我潻（添）！」
來源 source: http://hk.on.cc
|
鍾意就快D Share啦！
|
|
|