網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月14日 星期一

暗示已求婚 雨僑兩年內嫁硬羅力威 __,羅力威,羽翹,雨僑,

恭喜晒!歌手雨僑到電台宣傳新歌《雨季》,她指歌曲關於青梅竹馬的故事:「大個咗,男嘅好忙碌,女嘅就繼續等待,希望個男仔諗起佢會同佢一齊,係好開心咁等,不 ...


恭喜晒!

歌手雨僑到電台宣傳新歌《雨季》,她指歌曲關於青梅竹馬的故事:「大個咗,男嘅好忙碌,女嘅就繼續等待,希望個男仔諗起佢會同佢一齊,係好開心咁等,不過最後冇講有冇開花結果。(你有冇等過?)有,等呢隻歌等好耐!」她自言上次派歌已是一年前,覺得藝人經常要等待。至於有否等過男仔?她表示沒心機等:「有藉口話要等嗰啲,咁我等你嗰陣你做咩?以前啲男仔話去外國讀書,我通常呢頭話等,然後立即就唔等。(呃人?)唔係,會同佢哋講算啦,放棄啦,咁辛苦。」雨僑認為如果遇到適合的人,沒理由要對方等。

爆羅力威試過放飛機冇出現

提到曾等待男友羅力威,她大爆對方試過冇到:「我同佢講嗰日做嘢好辛苦,夜晚未必有時間食飯,佢就約我夜晚8點尖沙咀,我心諗係咪約會?佢7點半打嚟話有個朋友會嚟,點知我去到就見到佢朋友同老婆、一家大細、傭人姐姐同其他朋友,我問佢去到邊,原來佢要做嘢唔嚟。」雨僑指羅力威特別找信任的朋友帶她去高級餐廳吃飯,現在她和那朋友的一家都成為了好朋友。問到有否生氣?她指二人當時只是新相識:「佢都幾關心朋友吖。(真正兩個人約會係點?)唔係好記得,因為初頭有啲擔心,都係叫埋朋友出嚟,互相認識都要啲時間。」

兩年內出嫁

上次受訪雨僑透露上了婚前輔導班,她澄清當時沒說清楚,其實只是找到婚前輔導班,稍後才與男友一起上堂:「今年到下年都得,上四次。(幾時結婚?)今年一定唔得,唔會Book到場,乜都未做、未影,做齊就差唔多,呢兩年嘅事。」她指男友沒形式上求婚,但原則上表達了,笑言結婚時就會公開其求婚方式。


來源 source: http://hk.on.cc
鍾意就快D Share啦!