陳友個樣甜到漏。
藝人陳友兒子、曾參選港男的陳良韋（Larry）弄璋之喜為BB舉行百日宴，不少圈中好友包括譚詠麟、鍾鎮濤、彭健新、李治廷及陳曼娜等紛紛亮相，賀陳友抱孫，場面相當熱鬧，而陳曼娜更將相關相片上載到社交網站，且留言：「好友陳友添孫之喜！可喜可賀！」
其實Larry早年曾效法父親加入娛樂圈工作，參選香港先生後簽約無綫，又曾拍攝電影《十七歲的天空》，後來退出娛樂圈返回美國發展，於當地有自己生意的他陪太太返港生B，暫未定何時離開香港！他接受電話訪問說：「我做爸爸梗係好高興、好緊張啦，BB呢幾個月嚟好健康，又唔係好扭計，我已經好感恩嘞。（囝囝叫乜名？中文名？）Tyler，我哋通常都係咁叫佢，呢個名係我哋一家人有商有量幫佢改嘅。依家我哋同我爸爸媽媽一齊住，佢哋好忙，要掛住湊孫呀，佢哋爺孫關係真係好close。（好多uncle嚟賀你喎。）係呀，大家都好有心，不過因為太夜嘞，所以到依家我都未拆大家送畀BB嘅禮物，總之多謝啦。」
來源 source: http://hk.on.cc
|
鍾意就快D Share啦！
|
|
|