好兄弟！
歌手蘇永康接受電台訪問，講到榮升爸爸，他表示會教BB先講媽咪：「因為知道佢想聽，雖然佢冇講，但我睇得出。」問到做了人父後有何不同？他表示：「生活正常咗，有時太太夜啲send嚟嘅message我已經冇睇，因為已經瞓着咗，同埋會變得黐家，但黐得耐就會想逃走吓，有時有一、兩日得閒，太太唔喺香港，我會抽時間去東京買嘢，但好放心，因為屋企有偉大嘅軍隊照顧BB，就係我媽咪同外母。」
蘇永康又謂現時三個多月的BB開始識扭計：「用同一個動作抱佢會喊，嗰日百日宴真係佩服黃子華，我抱個B喊，佢就話BB唔想對住後面，於是佢就抱起個B，等佢向住人群，跟住BB即刻唔喊，所以男神即是男神。」他亦謂未生時已跟子華講上契：「咁啱嗰陣佢出國，仲話諗要買咩畀BB，同埋杜如風都好認真，BB出世第二日就即刻去傳統金鋪買金筷子金碗上契，但最好笑嘅都係陳奕迅，佢話『唔使搞咁多嘢，唔通你將來出咗咩事，我會唔照顧你個仔咩』。」
來源 source: http://hk.on.cc
|
鍾意就快D Share啦！
|
|
|