嘩！！
46歲「性感女神」鍾麗緹（Christy）去年與細佢12年嘅內地男星張倫碩結婚，兩人婚後一直相當恩愛。最近佢哋就去咗美國度假，仲不時喺網上晒相放閃，惹來網友紛紛嗌羨慕。
繼張倫碩早前晒完沙灘相後，呢日又輪到鍾麗緹晒潛水相。不過女人一係唔晒，一晒就梗係要晒啲勁嘢鍾麗緹一次過喺微博上載9張喺塞班島嘅潛水相，並留言：「第一次來到塞班島的藍洞潛水，藍洞的魅力只能來到現場才能體會啊，一條通往大海的通道，聽說裡（裏）面有更多的美景，拍出這麼美的照片我已經很滿意了。希望以後有機會可以帶孩子們一起來這裡（裏）潛水。感謝@塞班島地接水下攝影-山哥。幫我們記錄這麼好的回憶！#人魚夫婦##鍾麗緹張倫碩#」
睇番啲相，張張都靚到丼一聲！鍾麗緹與張倫碩除咗喺水中各自暢泳之外，仲喺水中一齊浪漫擁吻，超Sweet！網友睇完啲相後除咗驚嘆水底景觀震撼外，仲大讚鍾麗緹一身嘅裸色打扮，能完美晒出其驕人上圍與蜜桃臀，十足一條活生生嘅索爆美人魚！網友留言：「身材太好了」、「不愧是人魚夫婦」、「美到窒息」、「真正的美人從不會被歲月打敗！」
來源 source: http://hk.on.cc
|
鍾意就快D Share啦！
|
|
|
