2017年9月5日星期二

被指執兩票欠公平鄭裕玲：我憑良心去投！ __,鄭裕玲,

被指執兩票欠公平鄭裕玲：我憑良心去投！

今屆「港姐」競選由十位評判即場投票，身兼導師及「校長」的鄭裕玲（嘟嘟）手執兩票操生殺大權，引來網民爭議，指賽果不公。嘟嘟昨日在其主持的電台節目親作平反，自言跟足賽制，亦不介意記名投票：「我憑良心去投，Follow my heart！喺最後投票時，我有問觀眾邊個好，現場好多人都舉5號（雷莊𠒇），唔係個個話1號（何依婷），而我夾硬畀5號。」賽後她有檢討是否有錯：「我唔覺得我嗰Part有事。」

鄭裕玲覺得整體上雷莊𠒇表現較好。

另一評判黃心穎直指嘟嘟獲授權兩票壓力很大，信任她的審美眼光及判斷：「戥佢唔抵，如果要鬧（指賽果不公），應該全部評判鬧晒。」對賽果她覺得滿意。評判蘇志威被問對雷莊𠒇有何意見？他說：「冇咩意見，不過陳百祥眼光獨到，一揀就中。」

余詠珊：賽果大比數拋離

港姐節目統籌總經理余詠珊說：「賽果唔關嘟嘟嗰兩票事，雷莊𠒇一直大比數拋離，就算冇評判嘅票，佢都會贏。」對各方的聲音，大會會收集意見，來年作改進。而無綫企業傳訊部指獎項由十位星級校長、教授等大會評判，聯同港姐評委會選出，嘟嘟角色猶如主席評判，在同分情況下有權投下決定性一票，評選在公平、公開下進行，並由會計師核對賽果。