雷莊𠒇尋日玩直播被網民話寸，佢就話大家唔佢意思喎！
新一屆香港小姐冠軍雷莊𠒇（Juliette）、亞軍何依婷（Regina）、季軍黃瑋琦（Emily）到銅鑼灣出席領獎活動。冠軍雷莊𠒇得獎以來一直被批評樣貌，網民一片負評及惡搞她的招牌哨牙。對於網民惡評如潮，她笑說：「好忙冇時間睇，有時間情願瞓覺休息、同屋企人傾偈。（會唔會瞓唔着？）冇受影響，因為都好攰瞓得好好。（網民話你直播回應得寸嘴？）佢哋唔明白我意思，其實因為自己英文好啲，所以先用英文講，其實我嘅意思係希望大家唔好聽咁多負面嘢，多啲正能量，唔想因為呢啲嘢大家去嗌交，呢啲嘢對我冇影響，我好開心，如果有時間會再玩直播。（會唔會認真睇吓啲負評？）唔想嘥時間去睇呢嘢，呢啲對我學習冇幫助，自己有時間情願去學吓中文。」
知道自己笑容好大
至於網民惡搞她的哨牙，她則笑說：「哈哈，我知道自己個笑容好大，不過覺得冇問題，自己笑得好開心。（牙醫男朋友有冇安慰你？）冇，不過佢做牙醫就覺得好奇怪，點解啲人話我女朋友棚牙有問題需要做手術呢。（男朋友有冇幫你睇過牙？）有，但係佢冇話過我棚牙有問題。（男友有冇戥你唔開心？）唔會，我哋視像傾偈唔會嘥時間去講呢啲嘢，都係傾吓日常生活嘅嘢，叫我做好啲。（男友會唔會嚟香港探你？）未知佢，佢雖然已經係牙醫，但係依家仲深造緊，要再學習多六年。（分隔兩地驚唔驚分手？）唔驚，我哋對大家都好有信心，覺得唔會分手。（黃秋生撐你？）多謝。（有冇諗過喺香港買樓？）可能會搵個地方同黃瑋琦一齊住。」
來源 source: http://hk.on.cc
|
鍾意就快D Share啦！
|
|
|
