2017年9月20日 星期三

【住院片首度曝光】 5歲女Hanna抹腳餵飲水 劉華喊住感激朱麗倩:佢一路等我企起身! __,朱麗倩,劉向蕙,Hanna,劉德華,劉華,

今年初,在泰國意外墮馬導致骨裂的劉華,經歷長達八個月的復康期,而家行得走得,第一時間要同「家人」粉絲見面。即將踏入56歲生日,上周六(十六日)劉華在九 ...


今年初,在泰國意外墮馬導致骨裂的劉華,經歷長達八個月的復康期,而家行得走得,第一時間要同「家人」粉絲見面。即將踏入56歲生日,上周六(十六日)劉華在九展大搞生日P,同二千名粉絲提早慶生。一向收收埋埋的老婆朱麗倩同囡囡劉向惠(Hanna)例牌現身,劉華更將住院時的片段剪䩰製成MV播出,片中訓喺病床的劉華,有Hanna 幫他抺腳,又餵他飲水,場面感人。之後劉華更喊住多謝老婆:「佢一路等我再企返起身!」

節目去到中段,開始放洋蔥,原來劉華預早將住院時八個月的片段,剪攝製作成MV,更親自改編了自己的歌曲《來生也需要你》,送比老婆同阿女。

「天光天黑我都想妳 全為妳生 死心塌地 爸爸媽媽太喜歡妳 求下輩子 一世陪你⋯⋯」

大熒幕隨即播放一家三口在醫院時的片段,訓在病床的劉華,有阿女餵飲水,又拎住毛巾替他抺腳,幫他按摩雙腳,跟住一家三口又在病床前溫播馨自拍,朱麗倩陪住劉華在病房學行,場面感人,在場不少粉絲亦感動落涙。

播完片之後,劉華強忍涙水感激老婆:「好多人都話我太太好堅強,我出事嘅時候佢都好似冇乜事咁,但每一日佢都為咗我再企返起身,一路喺度等⋯⋯如果將來我仲會咁唔小心嘅話,我一定第一個罰自己,我應承你地,我唔再騎馬」講完後,隨即用手抹眼淚。

相關連結︰

【天皇都無面俾】Hanna 台下塞耳 劉華激氣:係得你一個唔理我架咋!

http://bit.ly/2xaYXGj

【難斷尾】劉華自爆患創傷後遺症 床上大便驚比護士𥄫

http://bit.ly/2jFLjVX

【無妄之災】年頭墜馬專機返港 劉華休養大半年復工

http://bit.ly/2xaZmsj




來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...