藝人余文樂以Tommy Hilfiger大中華區的首位本地形象大使身份出席倫敦時間19日在當地舉行的品牌2017秋冬時裝騷，同場還有韓國男團EXO成員燦烈，余文樂身穿黑色長身外套，燦烈則以運動型外套示人，他們均坐在頭排睇騷，兩大型男同場，各有各帥氣。
余文樂表示今次是首度參與倫敦時裝周，只會在倫敦逗留幾天，行程都以工作為主，提到成為品牌形象大使，他坦言感到很開心：「因為呢個係一個好成功嘅品牌，可以合作係一件好好嘅事。（你自己都有時裝品牌，會唔會向創辦人兼設計師Tommy Hilfiger 取經？）我喺後台都有同佢見面，但未有機會傾偈，因為大家都忙住做訪問。（對個騷有咩期待？）我知道今日有特別安排，騷後有驚喜。（會唔會諗住即場訂購服裝？）我有好多，因為品牌送咗好多畀我。」
太忙冇時間結婚
問到余文樂事業有成，何時有結婚計劃？去年在社交網站承認與台灣皮帶大王千金兼女星王棠云拍拖的他坦言：「結婚有諗，但未有答案。（點解？你唔係已經有對象？）因為太忙，家人冇催我結婚。（有傳女友嘅爸爸有財務問題？）呢個問題我唔答喇！」另外，談到時裝，余文樂透露沒有甚麼時尚單品每日都會佩帶，他笑言：「每日會戴係手錶，我覺得男士必備嘅時裝單品係牛仔褲。（點樣打扮嘅女性會吸引你？）唔知道，係感覺，每個女性都有自己嘅魅力。」
創辦人激讚完美
至於設計師Tommy Hilfiger表示秋冬作以Rock Circus為主題，今次時裝騷由美國基地改為倫敦，他解釋因為品牌有來自全球的顧客，所以嘗試在不同地區及國家做騷。對於余文樂，他大讚對方是完美的Tommy Guy：「佢靚仔又時尚，佢鍾意音樂、運動同車，同品牌嘅風格好相似。（你有冇睇過佢嘅電影？）當然有」
美國品牌Tommy Hilfiger 2017秋冬時裝騷是see now buy now模式第三季，由紐約做到洛杉磯，今次更移師至英國的倫敦，將男裝、女裝以及TommyXGigi系列一次過大晒冷。品牌以Rock Circus為主題，圓形的會場及舞台仿如馬戲團，由超模Gigi Hadid打頭陣及壓軸行騷，結尾加插雜技表演及品牌男裝代言人Chainsmokers演唱，令全場氣氛高漲。
|
鍾意就快D Share啦！
|
|
|
