城城真係好好獎勵太太！
剛榮升人父的郭富城，在活動上表現風騷接受訪問，首先他感謝大家陪同他一齊成長，坦言現在人生好完美，好感恩，依家一切好好，好安頓，有一個完美家庭。城城透露最開心的是媽媽，他說：「最開心係佢，好感動。」談及媽咪感受時城城感動得眼濕濕：「呢十幾年，媽媽生我，同依家抱孫嘅感覺唔一樣。（催你生多個？）順其自然。」
城城透露BB順產、重六磅，他又指剪臍帶時很感動，當講起太太為自己生BB時即時眼紅紅，並說：「太太佗B十個月，好辛苦，出世一刻自己好感動，成個世界好似轉變咗咁。（有冇喊？）三個一齊喊。（會唔會獎勵太太？）梗係要，做爸爸感覺好奇妙，本身要做好責任，建立好好家庭，睇到都覺得太太懷孕好辛苦，要再好啲對待呢個家庭，我會踏實工作！」
問到會否貼相到社交網，他表示要低調，他說：「當日係想同大家分享開心事，之後唔會講太多，家庭嘢唔會再講，係人生入面最開心一件事，人生不斷成長，知道做爸爸係點。（手機有BB相？）每日影一張，片都要，因為紀錄最真一面。」
來源 source: http://hk.on.cc
|
鍾意就快D Share啦！
|
|
|