出爐港姐素顏餓撲尖沙嘴
雷莊𠒇露哨牙頹樣
【爆相爆片】
出爐港姐冠軍雷莊𠒇面對網民負評，卻自信心爆棚遇強越強，前日被本報讀者KT「爆相爆片」，素顏頹爆及一排哨牙的雷莊𠒇穿上舊衫現身尖沙嘴鬧巿，周圍找餐廳醫肚。不過零化妝的她昨日變過身出席領獎活動時，又判若兩人。
【前日】
雷莊𠒇前日素顏現身尖沙嘴時頹爆，跟選美台上判若兩人，全憑一棚牙被認出來。讀者提供圖片
現年23歲的港姐冠軍兼最上鏡小姐雷莊𠒇，出爐未夠一周，卻成為全城焦點。由於她憑鄭裕玲兩票奪冠，在一片爭議聲下成為雙料港姐冠軍，無綫即被指有造馬之嫌，事後更爆出雷爸爸是香港十大設計師雷葆文，後台硬淨。雷莊𠒇當選後被評頭品足，她日前開live向網民還拖，表示不會放棄后冠及改變自己討好別人。
【昨日】
上屆港姐冠軍馮盈盈昨日再為雷莊𠒇（左）戴后冠。
【7月15日】
雷莊𠒇7月穿過跟前日一樣的藍色上衣出席港姐活動，當時她神氣叉腰。資料圖片
雷莊𠒇認為打扮很煩和浪費時間，下次上街都會casual打扮。讀者提供圖片
承認個樣好差
雷莊𠒇我行我素，讀者KT前日透過「爆相爆片」直擊素顏的她沒精打采獨自行街，跟選美台上的她相比，簡直判若兩人。讀者KT前日在電話說：「嗰陣我啱啱喺通利琴行行過，見到一個女仔好熟口面，個樣好面善，睇真啲原來係今屆港姐冠軍，佢由側邊嘅小巷行咗去厚福街，跟住上咗去H8。我見到嚇咗跳，佢個樣好似好肚餓，邊行邊搵餐廳。」
問到途人當時可認出雷莊𠒇？KT說：「得我認得佢咋，因為真係冇人望，所以似乎佢自己都知未有人認得，好真性情咁周圍走。」孭着黑色背囊的雷莊𠒇所穿的藍色露膊上衣，原來早於7月15日參選港姐活動時穿過，最大分別是兩個月前有化妝set頭，精神奕奕，而前日頭髮凌亂甚烏歪。
（左起）出爐港姐亞軍何依婷、冠軍雷莊𠒇和季軍黃瑋琦，昨日扮到靚靚領獎。
徐子珊昨日指當年當選港姐冠軍後，曾因負評而哭。
昨日雷莊𠒇和亞軍何依婷及季軍黃瑋琦，到佐敦出席領獎活動，雷莊𠒇明顯悉心打扮而來。對於素顏hea爆現身尖沙嘴，她大方回應：「個樣真係好差呀，我好鍾意去食大牌檔，嗰陣周圍望搵餐廳，唔知有鏡頭對住。當選港姐後，難啲唔俾人認得，可能因我比香港女仔高，所以易啲俾人認到。」問她會吸取教訓，下次打扮後才上街嗎？她笑笑口說：「唔會喇，我覺得如果要放好多心機匿埋打扮，好煩同嘥時間。」
父母擔心安危
對於網民把她跟應屆國際小姐澳門代表麥嘉欣比較，雷莊𠒇直言沒留意：「人人都會有意見，我唔介意。」她覺得自己靚，又表示對一些過份惡評感失望，令父母擔心她人身安全，並指沒有為惡評哭。同場的上屆港姐馮盈盈，去年當選都曾有負評，所以她覺得港姐不易做。
此外，04年港姐冠軍徐子珊昨晚到灣仔出席活動，當年她都曾被質疑變臉，對於雷莊𠒇被彈「至醜港姐」，子珊即扯開話題：「冇時間留意，因為9月1號重新做學生修讀心理學碩士。」問到她當年是否很大壓力？她說：「當年自己要由零開始學起面對新聞，試過喊同成個人腫晒。」
採訪：唐琛悠、馬建華
攝影：陳慧安
|
鍾意就快D Share啦！
|
|
|