阮兆祥後悔當時冇諗媽咪嘅感受。
藝人阮兆祥早前率領細細粒（陳嘉佳）、鄧兆尊及蝦頭（楊詩敏），以老人裝扮亮相內地綜藝節目《喜劇之王》，大跳「耆英廣場舞」。四人之中，以鄧兆尊最為投入，更一度瞓地大跳「Break Dance」，令全場觀眾拍爛手掌。不過論最搶鏡，還是以特別嘉賓身份亮相的胡楓（修哥），年屆85歲的他，以搞鬼舞步邊跳邊唱《萬水千山總是情》，更一度走近觀眾席與現場朋友握手。
雖然胡楓在舞台上神態自若、揮灑自如，但原來為了撐祥仔，胡楓要極速來回廣州及深圳，十分頻撲，祥仔亦坦言為此感心痛：「原本修哥要喺深圳拍嘢，撞咗通告嚟唔到。點知到我出發上廣州嗰日，修哥主動打嚟話改咗通告，可以嚟，我當然好感激，亦好唔好意思，要老人家咁樣上上落落。」一手籌劃是次小品的祥仔，直言希望大家能夠更關心身邊長者：「我一直都有個諗法，因為工作關係，好多年青人都忽略咗家庭，冇乜點理爸爸媽媽。又或者有啲人另一半早走咗，佢哋又會點面對呢？所以我都想鼓勵番啲老友記，就算老伴走咗，都可以跳出自己圈子，亦唔可以否定再有新嘅老伴。」
祥仔更透露自己亦曾經忽視了母親的感受：「我自己曾經都係做錯過，我爸爸50歲就走咗喇，即係我媽媽40幾歲時已經喪偶，嗰時我20幾歲啫，都仲未諗得通。我記得我爸爸過咗身幾年之後，曾經有人追過我媽媽。當我知道呢件事之後，我唔知點解好妒忌，我覺得其他人點可以取替我爹哋呢？所以我好反對呢件事。但到我依家大個咗諗番轉頭，我覺得我好自私，我覺得我可能唔係唯一一個啦，我覺得子女應該接納喪偶嘅父母去搵番個伴。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
