掃呢頁CODE去手機

2017年9月25日 星期一

【反面教材】拍信用卡廣告掀剪卡災難 梁烈唯消失於專頁中 __,梁烈唯,

一個藝人除咗人氣之外,形象都好緊要,事關要有呢兩樣嘢先至有人搵你拍廣告、做代言等等。咁又點先可以有好嘅形象呢?睇下梁烈唯呢個反面教材就知。話說當時有「 ...


一個藝人除咗人氣之外,形象都好緊要,事關要有呢兩樣嘢先至有人搵你拍廣告、做代言等等。咁又點先可以有好嘅形象呢?睇下梁烈唯呢個反面教材就知。

話說當時有「負皮王」之稱嘅梁烈唯曾經多次喺網上同網民「開拖」,仲講話:「我真係要同嗰班網民講,你哋實在太膚淺。」、「可能有啲人覺得我同樂小姐(樂易玲)friend、同Sandy(余詠珊)friend,我今日話俾你知:我係擦鞋呀,你吹呀!?你咁叻你擦俾我睇下!」等等嘅偉論。

而喺兩年前佢就為MasterCard拍廣告,而喺當時呢個信用卡品牌仲用梁烈唯嘅廣告照喺fb專頁叫大家一齊參加遊戲贏獎品,不過似乎大家對獎品興趣唔大,反而對梁烈唯呢個廣告表示反感,當時仲引發咗一場公關災難,有唔少網民仲post相表示「卡已剪」,雖然剪卡相是真是假無從稽考,不過當時梁烈唯一於少理,喺佢微博同大陸網民互動,share佢嘅MasterPass廣告fb link,仲cap埋圖,叫大家click一click欣賞下佢兩條廣告片。

不過眾所周知,大陸係睇唔到fb,而梁烈唯最後唯有轉貼YouTube link,至於信用卡品牌個參加遊戲贏獎品嘅post喺冇耐就喺專頁消失咗,估計當時喺隱藏咗個post,而當時嘅share link係可以搵返個post。而梁烈唯嘅廣告照就再冇喺呢個專頁出現過。



(以下cut卡圖,均來自當時MasterCard香港官方fb之網民留言)







高登瓊姐都話剪。

鍾意就快D Share啦!