掃呢頁CODE去手機

2017年9月25日 星期一

節目喝爆仔仔 陳小春內疚睇到眼濕濕 __,小春,陳小春,

溫柔啲啦老竇~~~藝人陳小春最近帶埋仔仔Jasper去咗拍內地真人騷節目《爸爸去哪兒5》,其嚴父表現成為網友熱論對象,有網友指佢過於嚴苛,成日大聲喝J ...


溫柔啲啦老竇~~~


藝人陳小春最近帶埋仔仔Jasper去咗拍內地真人騷節目《爸爸去哪兒5》,其嚴父表現成為網友熱論對象,有網友指佢過於嚴苛,成日大聲喝Jasper,搞到Jasper喺節目中驚到喊晒口,狀甚委屈。不過,小春每次鬧爆完Jasper,佢自己都有即時講對唔住,最後都會大團圓結局。

睇節目睇到眼濕濕

變咗網友眼中「惡老竇」嘅小春,近日就獲大陸傳媒採訪,直言自己都有被仔仔嘅表現影響,慢慢改變教仔方式:「兇是有點兇,既然大家覺得是Jasper帶我去做『變形計』,我就慢慢變形,變回一個溫柔體貼的爸爸。」佢又表示睇完頭兩集播出街時,都忍唔住感動到淚下男兒淚:「我看到鏡頭裏面我不知道的一些內容,每一次播完之後我再看那個節目,眼睛都有點淚,因為兒子也會想我了,當爸爸真幸福。」

講到明唔畀入行

佢又直言希望拍完今次節目之後,觀眾唔使掛住Jasper,小春自己得閒就會放相上網畀大家睇,而Jasper就會專心讀書,仲講到明唔畀Jasper入行:「有一天他真的願意去娛樂圈漂的話,我也沒辦法,但如果真的可以很嚴厲,我會不允許他在娛樂圈裏面混。」

仲想追多個女

佢又向媒體透露自己有諗生多個,仲講到明想追多個女添:「我看到劉畊宏的女兒小泡芙,太可愛了,有想過再(生)二胎呀,但看老天爺賜不賜給我吧,如果賜給我一個像小泡芙一樣的小可愛,我人生就滿足了。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!