2017年9月10日 星期日

黃翠如自爆畀李家鼎「打」過 __,翠如,李家鼎,黃翠如,

拍劇嗰時啫!藝人黃翠如與李家鼎到紅磡出席活動,翠如趁機向李家鼎偷師廚藝,她說:「我平時都有煮吓嘢食,魚同蝦都識煮,因為我細個嗰陣,爸爸係賣海鮮嘅,細個 ...


拍劇嗰時啫!


藝人黃翠如與李家鼎到紅磡出席活動,翠如趁機向李家鼎偷師廚藝,她說:「我平時都有煮吓嘢食,魚同蝦都識煮,因為我細個嗰陣,爸爸係賣海鮮嘅,細個家境唔好,我都有幫手睇檔,都識揀魚嘅!(識煮飯又賢慧,可以嫁得?)蕭正楠煮得好過我啦,起初我都有煮畀佢食,後來佢叫我唔使煮,可能覺得我煮得唔好,我自己覺得係OK嘅,或者佢要求高!」

翠如提到新劇《使徒行者2》中,與袁偉豪及周柏豪有咀戲,她說:「我哋三個劇中會有感情瓜葛。(唔驚蕭正楠呷醋?)佢點都會睇,咁我都可以睇番佢嗰啲啫!大家一定要留意苗僑偉、宣萱同陳豪,拍嗰陣我好少見到佢哋,但我睇完宣傳片都好激動!(擔心好似《踩過界》咁,內地都有得播,影響收視成績?)聽講係同步播放,我希望兩邊都好」

翠如又提到當年被李家鼎「打」,她說:「記得嗰陣拍劇,佢要箍住我條頸,我嗌痛,佢話:『我都未用力!』(覺得佢好惡?)唔係,佢有好多古仔講畀我哋聽㗎,嗰陣成日喺化妝間聽佢講古仔!」


來源 source: http://hk.on.cc
鍾意就快D Share啦!