2017年9月10日 星期日

男歌迷大膽提師兄 祖兒嚇窒:拖佢出去 __,師兄,容祖兒,祖兒,劉浩龍,

呢位男歌迷果然有膽識呀,竟然「辣着」祖兒?!天后容祖兒(Joey)在MCP新都城中心舉行簽名會,因前來車程路上有交通意外發生,令祖兒姍姍來遲到場,不過 ...


呢位男歌迷果然有膽識呀,竟然「辣着」祖兒?!


天后容祖兒(Joey)在MCP新都城中心舉行簽名會,因前來車程路上有交通意外發生,令祖兒姍姍來遲到場,不過歌迷超熱情,數百市民圍觀,當祖兒出現時全場尖叫四起。之後祖兒與歌迷玩遊戲互動,第一個遊戲有位6呎3嘅男歌迷表現好投入又唱又做晒可愛動作,氹得祖兒哈哈大笑。

「有咩歌迷就有咩偶像」

而第二個遊戲兩位塗了紅唇的歌迷要在祖兒的相片上留紅唇印,當中男歌迷未有將紅唇印在祖兒照片的嘴上,問到為何「唔錫嘴」?男歌迷竟大膽說:「咁神聖梗要留畀師兄(劉浩龍)」全場歌迷歡呼大叫,嚇得祖兒退後一步,又作狀拍打歌迷後大叫:「有刺客!拖佢出去!」之後台下歌迷都選男仔取勝,祖兒笑言:「你好嘢,算啦,有咩歌迷就有咩偶像,我實會報仇嘅!」

師兄唔跳脫

之後祖兒接受訪問,她大讚6呎3男歌迷好可愛,好有表演欲。問到歌迷可愛還是男友師兄可愛?祖兒笑指傳媒最可愛。講到男歌迷說紅唇留給師兄,是否嚇親?祖兒即言:「我都唔知點解,都唔知邊個教佢咁講,好多事。(師兄有冇咁跳脫?)我跳脫啲,師兄邊有咁跳脫。」看來歌迷已接受師兄?祖兒坦言:「實有鍾意同唔鍾意。」問到是否覺得歌迷比以前接受?她笑謂:「唔係點啫,都見到你哋成日一齊『揖揖揚揚』,歌迷唔講佢講邊個,搞吓氣氛囉!」談到孫耀威曾說有些歌迷不喜歡老婆陳美詩(Macy)而鬧她時,祖兒說:「明白歌迷反應都好直接,接受是好事,亦好開心。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...