真係無啦啦……
昨晚（9日）中港台紅星雲集北京一慈善晚會，當中包括范冰冰、李冰冰、姚晨、劉嘉玲、章子怡、Angelababy、黃曉明、楊冪、林心如等，場面星光熠熠，呢啲日子去到影大合照時，眾星嘅排位自然成為焦點，人氣及身價高嘅藝人通常就會企近中間位置，點知今次就「出事」喇！
話說本身范冰冰同李冰冰曾傳不和，鬥個你生我活，不過尋日佢哋就忽然Friend晒，多次喺鏡頭前興奮交談，連去到排隊影大合照時都膊頭貼膊頭，不過說時遲那時快，女星姚晨行過二人身邊，范冰冰就出手將姚晨拉到自己同李冰冰中間，仲夾住佢唔畀佢走，又猛同姚晨傾偈，同時李冰冰亦試圖將身旁行過嘅張韶涵拉到自己同范冰冰中間，搞到姚晨同張韶涵都面色尷尬，突然成為「中間人」嘅姚晨更被拍得口黑面黑添。
而大合照就變為張韶涵企喺中間位劉嘉玲身旁，張韶涵另一邊就係李冰冰、姚晨、范冰冰，結果就畀網友嫌張韶涵唔夠卡士，仲被指攝位企中間位置，搞到張韶涵無辜中箭，真係陰公豬。
來源 source: http://hk.on.cc
|
鍾意就快D Share啦！
|
|
|
