【被爆背妻出軌】「常威」終認死狗 鄒兆龍：要向我太太孩子們道歉 __,鄒兆龍,

(新增內容)今年50歲嘅鄒兆龍、早年喺星爺《九品芝麻官》做奸淫擄掠、心狠手辣嘅「常威」，本身有妻有子女，老婆係前港姐翁為德。一直被封為好好先生嘅佢，日 ...

(新增內容)

今年50歲嘅鄒兆龍、早年喺星爺《九品芝麻官》做奸淫擄掠、心狠手辣嘅「常威」，本身有妻有子女，老婆係前港姐翁為德。一直被封為好好先生嘅佢，日前被爆背妻偷食，有女子喺網上開設名「鄒兆龍出軌記錄」微博帳戶，上載咗鄒兆龍摸腳相同露骨語音對話，該女子更大爆男方為自己洗底褲。

事件擾攘多日，鄒兆龍一直未就偷食事件回應，只係喺30號上載咗段「雞屎論」，叫人多吃雞蛋，少理雞屎。此話一出，一度刪除博文嘅微博帳戶「鄒兆龍出軌紀錄」，即留言還擊指：「看來我下手輕了……」隨即再度po出疑似鄒兆龍曖昧語音訊息。(新聞連結：http://bit.ly/2iXORCx )

到噚晚深夜，「常威」終於認低威，深夜刪除霸氣「雞屎論」，改為認死狗知錯論。鄒兆龍喺微博留言：「對於近期發生的事情，給我家人帶來困擾，我要向我太太、還有孩子們道歉 。」而事件至今，鄒兆龍太太翁為德仍未就事件表態。

另外，鄒兆龍亦指自己最近出院，喺屋企靜養，並向所有關心佢嘅影迷朋友們講：「抱歉，讓你們擔心了。」

不過，到今日中午，鄒兆龍忽然刪去呢段道歉微博內容，而佢台灣經理人就回覆傳媒話了解緊件事。

鄒兆龍喺刪去嘅道歉文提到最近出院，經理人話鄒早排返美國洛杉磯，返家途中出車禍，要送院急診，不過鄒遇嘅車禍只係小傷，入院原因係因為之前佢喺安徽拍戲時舊傷復發，加上車禍因素，先會住院，目前已無大礙，返家休息。

	鄒兆龍噚晚深夜喺微博留言，指事件令家人帶嚟困擾，又表示要向太太同仔女道歉。(鄒兆龍微博圖片)	之前鄒兆龍喺微博發「雞屎論」，疑似向爆料者開火，但噚晚鄒已刪除該則微博。(鄒兆龍微博圖片)
鄒兆龍同太太翁為德育有一對孖仔同孻女。(資料圖片)	鄒兆龍喺噚晚發嘅微博中，稱自己啱啱出院，o依家喺屋企休養。(資料圖片)	日前，有微博帳戶「鄒兆龍出軌紀錄」貼出鄒兆龍摸腳相。(資料圖片)
(資料圖片)

來源 source: http://hk.apple.nextmedia.com

鍾意就快D Share啦！

下一篇 》