靚靚真係口直心快。
女星袁詠儀（靚靚）接受有線節目訪問，對於曾發表「四條廢柴愛打牌」言論，靚靚指另一半張智霖（Chilam）當然榜上有名，其餘便是郭富城（阿城）、沈嘉偉及一位圈外朋友，她謂：「點解叫佢哋廢柴？因為佢哋玩起嚟真係好癈！譬如Chilam同我講話夜晚去打牌，我問佢點解，佢就答因為阿城聽日走，到咗第二日又去打牌原因係阿城返咗嚟，你話廢唔廢？」更指不介意老公打牌，只要識得回家就可以。
唔做被嫌棄嘅人
向來直率的她以往曾得罪不少人，靚靚對此謂：「以前哥哥（張國榮）同梅姐（梅艷芳）都話過我，哥哥仲話我花無百日紅，叫我檢點啲，但我把口硬係快過個腦！」幸好Chilam熟知她脾性，為免她失言，必要時也會捉到她實一實。談到二人結婚16年，乃圈中公認恩愛夫妻，問到如何把感情保鮮？她謂：「最緊要唔好覺得理所當然！如果對方要變，肯定自己都有問題，所以要積極求進步，唔好做一個被嫌棄嘅人！」
唔再「女尊男卑」
對於Chilam如今被封為男神，但當年與她拍拖時卻被指「女尊男卑」，靚靚謂：「以前成日聽到有人咁話佢，但我覺得寧欺白鬚公，莫欺少年窮，每個少年都有佢嘅機會，依家證明我冇買錯呢隻藍籌」
來源 source: http://hk.on.cc
|
鍾意就快D Share啦！
|
|
|