譚俊彥接爸爸狄龍棒演包青天，而展昭同公孫策分別由張振朗及陳國邦飾演。
1995年播出的無綫劇集《包青天》，由影星狄龍飾演包拯「包青天，相隔22年後，無綫落實翻拍劇集，包拯一角由狄龍之子譚俊彥接棒，飾演少年包青天，女主角則為胡定欣與姚子羚，而「展昭」及「公孫策」分別由張振朗及陳國邦飾演。據知，此劇監製莊偉建已飛到新疆烏魯木齊視察環境，之後劇組會到當地拍攝。
高層電召 以為照肺
之前已在新劇《天命》演皇帝的譚俊彥，今次接爸爸棒演包公，他接受東網訪問時承認已為劇集試造型，工作人員更拿出封存22年、狄龍演包公的戲服給他影相留念。他笑指早前被無綫高層曾勵珍致電召回公司：「心諗死啦，唔係要照肺呀？後來返去佢就同我講公司翻拍《包青天》，叫我演番爸爸嘅角色。（爸爸當時知唔知？）知，佢覺得理所當然，但我同佢個角色有啲唔同，我係年輕版，唔想有太多佢嘅影子。」他笑言能夠「子承父業」，全靠爸爸令他贏在起跑線。
姚子羚飾驗屍官
姚子羚於劇中飾演驗屍官，與譚俊彥一起查案而互生情愫，而定欣則飾演她的好姊妹，不時仗義相助。問到與譚俊彥可有親熱戲？姚子羚說：「應該冇啩，古裝通常都係攬吓。（合作過未？）《天命》合作過，當時同場唔多，但喺橫店拍外景時，大家都成日一齊跑步、食飯。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|