真係恭喜晒！
藝人海俊傑於北角一間酒店與太太Effie（莫家慈）舉行婚宴，筵開30席，一對新人傍晚五時多出來見記者，現場有7位兄弟及7位姊妹，當中包括藝人陳國坤，而伴郎及伴娘是彭敬慈及傅穎。海俊傑穿藍色西裝，而Effie則穿婚紗谷胸示人，拍照時，二人應傳媒要求多次咀嘴，最長一咀嘴更長達10秒。
接新娘過五關斬六將
而Effie甚為怕醜，只留下老公海俊傑接受傳媒訪問。海俊傑被問到今早接新娘時是否要過五關斬六將時，他謂：「都唔係要好多關，女家姊妹出嗰啲遊戲好簡單，只係除鞋行石春路，之後又綁住我對眼，認番太太身體部位。」說到開門利是，他笑言有九億，問到乜嘢貨幣時，他又不肯透露，笑言就算日元都不錯。他又表示今早老婆都好滿意他的表現，問到愛的宣言，他就謂：「一生一世，因為我哋都行咗五年嘞！今年3月1日喺墨爾本簽咗字，跟住4月8日喺北京都擺咗一次小型婚宴，今日都係傳統簡單切蛋糕、合巹交杯咁，自己都會表演唱歌，搵咗陳容森幫我哋寫咗首新詞嘅《祝福》，係我同太太嘅戀愛故事，現場都會播之前我同太太拍嘅簡單微電影。」
劉嘉玲身在美國未能到賀
海俊傑又現場清唱幾曲，他透露今次沒有特別請人表演，不想似做騷，但他表示婚宴雖然簡單，但自己都好緊張，問他有否因婚禮而停工，他表示沒有，之前都於泰國拍了一部驚慄片，後日又要返上海拍電影，度蜜月暫時不去住，太太都會做跟得夫人跟他開工，說到太太曾為劉嘉玲化妝，嘉玲會否到場時，他謂：「佢今日人在美國，但佢送咗一對巨型龍鳳鐲畀太太。而陳小春要拍電影都嚟唔到，但唔緊要！」。說到生B，他坦言都想，但未努力，目標是生一仔一女。
來源 source: http://hk.on.cc
|
鍾意就快D Share啦！
|
|
|