會唔會退出樂壇？
歌手李克勤假紅館舉行一連9場《李克勤慶祝成立30週年演唱會》來到尾場，克勤鼓勵大家追尋夢想時，他表示多晚以來都未有講過自己的夢想，今晚終於可以説出來：「我鍾意試唔同嘅嘢，上年我有首新歌叫《一個都不能少》，第一次嘗試做MV導演，出年2018年我會第一次試做電影導演！我之前同楊生（楊受成）講，佢話『你唔搵我，我會嬲你』，多謝你！」又指這次完騷後不是寫歌詞，而是寫劇本，將來大家除了可看他的個唱外，更可看到他的電影：「如果真係朋友同fans嘅，唔好理我拍成點，買飛入嚟睇得唔得？呢度萬幾人，每人都入場嘅就有百幾萬票房，我有9場演唱會，咁楊生就唔會蝕，希望大家畀力量我去實現佢！」
開騷收利是
去到Encore環節，克勤換上閃閃睡袍裝再出場，而他事前已表示今晚要開睡衣派對，他的太太盧淑儀、黃偉文、蔡卓妍及徐濠縈都有配合他着睡衣。而全晚不少觀眾都向克勤派利是，克勤笑說：「第一次距離農曆新年咁遠，但都收到咁多利是，值得表揚！收完利是我特別記得你個樣，如果想加強我記憶，呢個都係唔錯嘅辦法，係中國人美德嚟，祝福嘅嘢一年365日都啱使嘅，冇利是封嘅，現兜兜畀我都得！」
唱出《紙牌屋》時，一度忘詞的克勤即刻尷尬伸脷，更拖校長譚詠麟落水，笑謂：「有啲嘢真係會傳染，我有次問嗰個人點解成日唔記得歌詞，佢話『你得一、兩首金曲梗係記得晒，我有咁多首金曲，邊記得晒咁多』！Sorry囉，下次唱番好啲。」在演唱最後一首歌《愛不釋手》前，他叫歌迷亮起手機電筒形成一片燈海，他感動到多次唱不下去並落淚，場面感人，最後於晚上11點58分完騷。
來源 source: http://hk.on.cc
|
鍾意就快D Share啦！
|
|
|
