難得老闆洗米仔准許「秘撈」， Patrick現時在辦公室放置大型雪櫃，一收到訂單就馬上包裝，再往隔鄰的速遞公司寄貨。
壹盤生意
洗米仔御准「秘撈」 IT男速遞月餅 4月賺 20萬
中秋節將至，是各大餅家賺錢的黃金時間。數到近年月餅界新貴，肯定是貓山王榴蓮月餅，早前美食節就已經備受追捧，更吸引中學生及師奶通宵排隊鬥跑爭奪。
八十後 IT男陳冠銓（ Patrick），上年在一次商會聚會下認識了榴蓮月餅生產商，他意識到不少廠家都欠缺網上宣傳及銷售渠道，於是靈機一觸，決定開設「月餅薈」網上賣月餅生意，專攻冷門月餅，結果大賣四千盒，四個月內大賺二十萬元。
今年 Patrick決定重鎚出擊，與友人合資過百萬，向多個品牌大手入貨，目標售出一萬盒。 Patrick今年獲周焯華（洗米華）兒子周柏豪力邀加入其公司，但他講到明：「八月到十月要俾時間我賣月餅。」洗米仔竟全力配合，更讓出辦公室位置給他放置月餅。
月餅機遇處處，卻存有暗湧，今年適逢閏六月，中秋比往常延遲，加上王維基 HKTVmall大舉宣傳外送月餅直接競爭。他坦言「啲貨去得比上年慢」，但無有怕：「仲有一個月，唔驚蟹貨！」
有飲食業界人士指，月餅為所有節慶食品中最賺錢，除了本地市場外，更吸引內地及東南亞客人搶購，上星期更發生百萬搶劫案，可見月餅有價有市。開設 IT公司的 Patrick，結婚後太太 Cathi主力在家，他就覺得太太「有啲嘢做吓好啲」：「我就鼓勵佢去學 Facebook宣傳，有個朋友開班，佢就去學，之後佢就同朋友開咗間網店，主要賣吓飾物。」之後他成功接洽月餅生意後，第一步就是在 Cathi的專頁寄賣：「一開始貨都唔夠膽拎，之後就問佢先賣 50張月餅券得唔得。之後覺得賣得唔錯，就真正開始賣，之後就落廣告、賣月餅券寄俾客人，愈賣愈好，就開始呢一門生意。」
Patrick見上年大賺二十萬，今年落重本，向各大較冷門餅家埋手，更聯絡到月餅炒家購入當炒月餅，以多個渠道進攻月餅市場。
早賣利網上宣傳
他解釋，其實不少餅家都做商業客為主：「佢哋放喺超市度賣多，好少放資源喺市場推廣，所以同佢哋講多個渠道賣，佢哋都會有興趣。」而網址上的月餅款式約十二款，並不算多，他解釋寧缺勿濫：「我賣得嘅自己都試食過，仲會搵啲識食嘅朋友，了解啲詞彙嚟形容，方便喺 Facebook宣傳。真係有朋友講得出口感較黏、較彈牙，我就最多淨係識講回甘，哈哈。」
他表示做中介商看似「左手交右手」，中間亦花了不少工夫。採訪當天，見正在懷孕的 Cathi將月餅拆箱放到冰櫃，之後又要拿着月餅盒到速遞公司，少不免有體力勞動，記者都替她辛苦，她就笑指：「自己應付到， OK嘅！」
Patrick指：「寄貨係最主要成本，因為我唔租鋪，仲有包裝、電費、網上宣傳，七除八扣，毛利其實唔算多。」而他從事 IT多年，深明網上宣傳效用，現時更設立網址及 Facebook專頁吸客，「上個月已經要開始賣，俾個早買優惠佢哋，因為大家都無貨喺手，無討論空間。到客人陸續收到貨，佢哋有 comment，自然會引起話題。」他更強調，網友喜歡看留言多於內容，而內容不可以太「行」，要多些生活化內容，以及定時提供限時優惠，吸引網友跟蹤網站，做到的話根本不用請打手放假留言：「寧願放多啲資源喺落 Facebook廣告吸 like，無佢真係會死。」
撼 HKTVmall互有輸贏
月餅薈客人之一 Vivian就指，上年已經接觸該店，今年亦打算再光顧：「上年經朋友介紹，試過幾好味，自己買咗五十盒俾客，都想再買。之前就比較麻煩，要自己拎啲月餅券去換，但今年改咗可以寄去唔同地址。」
記者以月餅薈與 HKTVmall比較，發現兩者售賣月餅的價錢差不多，而 HKTVmall選擇較大路，月餅薈則較多冷門牌子。其中馬拉屋「極品貓山王」榴蓮冰皮月餅八個裝，兩個都是賣 308元，但 HKTVmall就顯示暫時缺貨；而大受歡迎的美心流心奶黃月餅八個裝，月餅薈就以 308元出售，而 HKTVmall就要與其他牌子八個裝月餅一同購買，價錢 400多元。但記者就發現翠山貓山王月餅， HKTVmall賣平十八元，買任何月餅更加送素菜雲吞一包。而網站則顯示，每個送貨地址，若購物未滿 400元就要多付 80元運費，而月餅薈就註明每個地址，兩盒開始免運費，一盒運費 30元，互有長短。
Patrick回應時指，大型餅店都有建議零售價給零售商，但當有一間議價能力較高的零售商以平價售賣，餅店未必能夠控制，惟有自己多留意市場動態。
美心、嘉麟樓已經斷市
除了賣較冷門品牌的月餅外，他亦有售賣較受歡迎的月餅，來鞏固網站的人氣。他就指，市場一直有月餅炒家存在，不少熱門月餅都要經他們入貨：「最受歡迎一定係半島嘉麟樓，之後就係美心流心奶皇，上年流心奶皇更加炒到貴過零售價！」他解釋，很少月餅以零售價購入，市民多以信用卡優惠，以約六折價錢購入，所以貴過零售價是「十分瘋狂」。他指今年有幸購入美心流心奶皇、嘉麟樓過百盒，其中嘉麟樓已被「掃清」：「我都係跟優惠價賣，依家市面幾乎搵唔到！」
事實上，網上賣月餅門檻低，容易被人抄襲， Patrick就指不介意競爭：「市場真係好大，就算請十個人、一百個人都做唔完，你見美心每年都請咁多人做就知！」
「對於我嚟講，最重要反而係市道，客人捨唔捨得使錢，過節預算多唔多。」他坦言，現時銷售還未及上年紀錄：「感覺到成個市無上年咁好，蟹貨？都唔驚，食得鹹魚抵得渴，同埋同啲供應商有數講嘅！」
開業資料（ 17年 8月）
入貨 $900,000
快遞開支 $150,000
網站設計及宣傳 $254,000
租金及電費* $5,000
雜費 $15,000
總投資 $1,324,000
*家中及辦公室做倉
營業資料（ 16年 9月）＃
營業額 $1,150,000
入貨 $750,000
租金及電費 $4,400
facebook廣告 $138,000
快遞開支 $32,800
雜費 $4,400
盈利 $220,400
＃暫未有今年資料
創業錦囊
炒月餅如炒 iPhone，近日已見不少水貨客將月餅運回內地，對中介商來說是一大商機。但 Patrick就不太主張做水貨客生意：「如果做水貨客，我只係接觸一個人。但如果我直接接觸客戶，我就可以拎到佢哋嘅 database。無論我之後做月餅，或者其他時令生果，呢啲資料對我都有用。所以我主張，寧願辛苦啲，或者每個客買少一啲，都寧願做散客。」
撰文：梁延宇
攝影、攝錄：梁正平
ed_bn@nextdigital.com.hk
|
鍾意就快D Share啦！
|
|
|
