咁唔知幾時會再睇到佢哋嘅合作呢？
現年45歲嘅「不老女神」朱茵事業家庭兩得意，2012年下嫁歌手黃貫中後，誕下寶貝女黃鶯，一家三口幸福美滿。不過，早年佢曾經與周星馳傳出緋聞，至今仍為人津津樂道，日前上內地節目《金星秀》時，更被主持人追問呢段緋聞。
唔介意話題離唔開周星馳
最近朱茵為主演嘅新戲到內地宣傳，話題依然離唔開周星馳，問到佢會唔會介意？佢大方地表示：「我不介意了。因為你怎麼介意，別人都還是會說。我覺得也無所謂，大家把電影愛到那個地步，我也很感恩。」
唔介意再合作
提到周星馳一直單身，朱茵表示：「每一個人都有他自己的一個選擇，我們所有人都不能妨礙別人的選擇，可能他覺得開心呢，你不知道的，可能我們看到的跟現實是不一樣的。每個人都有他尋找開心的方式，他覺得開心就ok了，他喜歡甚麼樣的狀態他自己最清楚了，這個問題可以直接去問他。」朱茵又話同對方好耐冇聯絡，至於日後會唔會再合作，就要睇劇本，如果劇本好，自己亦唔會拒絕同任何人合作。
來源 source: http://hk.on.cc
|
鍾意就快D Share啦！
|
|
|