網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月1日 星期五

【長途跋涉】來回車程兩粒鐘 陳豪大仔讀半山冷門幼稚園 __,陳豪,

生產力超強的陳豪婚後三年抱三,大仔陳梓燁(Aiden)眨吓眼三歲,夠秤升K1,之前有傳兩公婆為谷阿仔做數學天才,幫佢報讀偏門猶太教國際學校。據知Aid ...


生產力超強的陳豪婚後三年抱三,大仔陳梓燁(Aiden)眨吓眼三歲,夠秤升K1,之前有傳兩公婆為谷阿仔做數學天才,幫佢報讀偏門猶太教國際學校。據知Aiden其實係入讀位於猶太學校隔籬的「幼童樂團協會幼兒園」。

「之前有報導話佢哋要谷個仔做天才,所以讀猶太教學校,其實佢哋就係唔想谷啲仔女,想佢哋輕鬆啲,而家讀呢間幼稚園雖然唔係一條龍,但佢哋buy佢係活動教學同冇功課壓力,等佢讀完幼稚園,先慢慢再幫佢搵國際學校。」陳茵媺身邊人透露。

為了阿仔可以愉快學習,兩公婆日日長途跋涉都冇所謂,計一計數,由陳宅位於大埔比華利山寓所返到學校,來回車程起碼兩粒鐘,不過陳豪同陳茵媺都堅持每日親自接送。上晝九點,陳豪揸車載住Aiden到達學校,坐完成粒鐘長途車,Aiden已經攰到冇晒心機,呆晒!泊低車後,陳豪拉住阿仔上斜路,阿爸心急一直睇錶,但孭住大大個書包的Aiden就愈行愈慢,書包仲要冇拉拉鏈。臨到學校門囗,Aiden開始兩隻手扯住爸爸,唔肯行入學校,最後陳豪又拉又氹,終於成功送阿仔入課室,自己揸車走人。

相關文章:

【唔揀名牌 】 Kelly 送兩仔讀偏門國際學校 陳豪鍾情活動教學

http://bit.ly/2x8JENJ

【倒轉角色】息影三年陳茵媺復出拍戲 陳豪日日做湊仔公

http://bit.ly/2esdbuR

幫五歲半囡囡轉過三次校 楊思琦:國際學校先適合佢!

http://bit.ly/2xcvmt4




來源 source: http://s.nextmedia.com
鍾意就快D Share啦!