探熱針
要自己話晒事 欣宜做老闆捧自己
欣宜 14年簽約蕭定一的 HMV數碼中國集團有限公司，成為旗下藝人。去年舉行兩場《女神有問題演唱會》，年底更憑《女神》橫掃樂壇頒獎禮，風頭一時無兩。一直崇尚自主的欣宜，原定今年 4月滿約後離巢。蕭定一唔想走寶，俾 30歲的欣宜自組山頭打骰，做老闆捧自己！
控制慾強
近日欣宜新歌《你是什麼時候開始不愛我的？》派台，是她自組公司後頭炮歌曲。「佢間新公司叫 Passion Fruit，識 Joyce嘅人都知佢好多嘢唔會放手俾人搞，控制慾又強，份人又心急，同佢合作要好有 EQ。而家佢自己做老闆，乜都可以話事，啱晒佢性格，公司唔會簽其他人住，先要做好自己，捧起自己先。」知情者說。
四月約滿
去年《女神》一曲大熱，令欣宜的歌唱事業定位，跳上一線尾女歌手。可惜未有承接氣勢，全因欣宜有離心，放軟手腳。「當時有個尷尬位，《女神》掃咗好多獎，本來應該要食住上，但 Joyce要拍戲，加上佢同阿一（蕭定一）份約四月滿，又未傾得埋欄，好多嘢都 hold住咗。本來佢都諗住唔續約，想自己做有多啲自由度，阿一好錫佢，知佢想點，就話開間公司俾佢揸 fit，想請乜人想做乜嘢音樂都由 Joyce話晒事。」知情者說。
自己揸 fit
圈中唔少藝人，捱出頭後會轉公司尋求新發展，以前興跳槽，現今流行自組公司，一於自己事業自己掌控。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|