17歲的卓林鼓起最大勇氣宣佈"I'm gay."舖天蓋地壓力隨之而來，這一點，卓林事前一定已經想清楚。(新聞連結: http://bit.ly/2yrzuta )
17歲已輟學，離家出走，與已屆30+的網紅Andi一齊生活，而且對方無業，兩人在北角據稱租住劏房，經濟壓力，輿論壓力，母親的壓力，但卓林既然已經決定公開了。就與全世界對戰吧。
卓林與母親吳綺莉已三個月沒見，吳綺莉事前不知女兒決定出櫃，一切都是友人在ig cap圖俾佢睇佢先至知；之後吳接受《蘋果》電話訪問，不斷稱「感恩」，謂「如果嗰個朋友仔係男仔，咁有機會抱孫，到時仲大鑊！所以感恩，唔係到時又要養佢又要養孫！」又稱：「最緊要卓林喺經濟上養到自己，又可以照顧到人，因為其實卓林係一個需要人陪嘅人，呢個女仔咁啱就可以唔使做嘢，可以陪佢。」嗯……(新聞連結: http://bit.ly/2y3UBk2 )
今晨卓林與女友Andi再於ig出post，卓林提及自己所承受的壓力之際，母親吳綺莉又成為了周刊封面人物。
吳綺莉接受周刊訪問，娓娓道來與女兒緊張而又充滿誤會和壓力的母女情。吳綺莉在訪問中未有掩飾對女兒這段感情關係看淡——即係唔睇好。之前吳稱卓林輟學後在家學習，搬離家之後學業原來冇再繼續，而係搵工，而且已經找到了，做「圖片美術員」，月入萬元。
吳綺莉之前接受本報電話訪問時稱，雖然女兒已搬走，但她每月仍有給女兒一點零用，加埋份人工，卓林如何維持與女友Andi的生活？而且Andi暫仍無業。
訪問中，吳綺莉表示，佢已經計過晒條數，即係食飯坐車錢，計掂先至俾佢零用。吳又稱，依家個女「有能力照顧三十歲女友」，身為阿媽嘅吳綺莉話：「我感到慶幸！」
吳綺莉喺訪問中又話，依家卓林輟學打工，係人生經歷，又強調謂個女依家先至得17歲，將來重返校園都唔難。她稱，卓林一直喺佢保護下成長，根本對金錢毫無概念，冇接觸現實生活嘅價值觀，簡稱「離地」，未試過要應付交租交水費電費嘅壓力，更未試過打工賺錢。吳綺莉舉例稱，之前卓林想轉一間新學校，但校方要求吳綺莉買40萬債券，吳稱不喜歡學校環境，最後拒絕，她稱事後卓林因為咁而嬲咗佢。
吳綺莉批評女兒之餘，又自責謂個女「有咁嘅價值觀」（即認為40萬「濕濕碎」），做阿媽嘅都有責任，佢怪責自己太縱卓林，要乜俾乜，先至令個女有錯誤價值觀。吳綺莉補充謂，依家個女要「出去打工同養女友」，係人生經歷之一，吳綺莉話，咁樣諗佢會開心啲。
感覺點解好似富豪爸爸放個女出去捱世界自力更生仲要經濟上照顧男友然後富豪爸爸好老定咁話個女遲早玩厭返番屋企嗰種電視劇情？
相關文章:
【暗示17歲女兒未成熟】女伴年過三十 吳綺莉：我17歲嗰陣都冇識過個卅幾歲
http://bit.ly/2yv9oFM
【卓林出櫃】憶女狂食月餅？ 吳綺莉：不能怪妳，因為我比妳還任性
http://bit.ly/2y27tFA
|
鍾意就快D Share啦！
|
|
|