今晚只做一件事，就係全力撐Rex！香港「神奇小子」曹星如，今晚（7日）將於主場出擊，喺會展大戰日本前WBA超蠅量級世界冠軍河野公平。Rex於職業生涯連贏21場賽事，於拳壇聲名鵲起，喺香港當然大把Fans，今次會展出戰門票早早售罄，吸引力勁犀利，呢場爭22連勝，兼且搶WBO超蠅量級國際拳王金腰帶之戰，梗係全城矚目
呢次全港體育盛事，我哋梗係要同大家全情直擊，每個回合都為大家作即時拳評，等你第一時間知道Rex打成點、並得悉即時戰果；到賽後曹星如走嚟做訪問講感受，《東網體育》Facebook更會做即時直播，各位曹星如Fans，千祁唔好錯過。
最終回
第七回合未開始前，拳証覺得不宜繼續，因是次傷勢非任何人犯規，決定收回前六回合成績加以計算，最終星如以點數擊敗河野，戲劇性反勝。
第6回合
第五回合完結休息時，已清楚看到星如傷勢加劇，已腫至左眼。第六回合打到剩低1分24秒，裁判要求駐場軍醫檢查星如傷勢，如果唔影響視線，先可以繼續。河野雖已36歲，但體力雄渾，多次埋身以右勾拳擊中星如，形勢不妙。
第5回合
河野以組合拳攻擊，搵機會用右拳重擊星如。於賽事完結前，星如作出還擊，兩度擊中河野，但就「中唔晒」。
完結休息時，已清楚看到星如傷勢加劇，已腫至左眼。第六回合打到剩低1分24秒，裁判要求駐場軍醫檢查星如傷勢，如果唔影響視線，先可以繼續。河野雖已36歲，但體力雄渾，多次埋身以右勾拳擊中星如，形勢不妙。
第4回合
星如傷口搽咗嘢，希望冇咁腫。雙方都保持到體能，手高情況少咗，大家都多咗擊中對手頭部，河野今個回合更主動，於星如防手左路嘗試作出重擊。河野好有經驗，周時有意無意間，捽星如頭部傷口，希望加速星如傷口惡化。
第3回合
河野已充份攞到距離感，可以比頭兩回合主動。星如出組合拳抗敵，其中一下右勾拳打中對手頭部，但不算太應。
第2回合
星如一出場就於移動上做多咗，搶回主動，但雙方都多出現打組合拳，雙方一次意外撼頭，星如額頭即刻「起樓」，好彩只係腫而沒有流血而影響視線，唔係就大鑊。
第1回合
首回合一開始互相試探距離，剩低50秒，星如於一次移步失去平衡，而被何野右拳打到跌低，不過唔算好應。何野係個好有經驗拳手，做個「手高」做得好好。星如出完拳後，兩次被對手打中肚部。
21:50
就快開始!佢哋出場喇!
東網體育同你追實體壇每個精彩時刻！
http://bit.ly/2ecTF2A
|
鍾意就快D Share啦！
|
|
|