（新增阿嬌回應）阿嬌鍾欣潼嘅戀情一向好神秘，就算幾多男仔喺佢身邊出現都好，都只會係朋友，不過阿嬌最近就有一個新嘅男性朋友，就係32歲有「醫界王陽明」之稱嘅頼弘國，現任職陳怡蓉老公薛博仁嘅醫美診所。
阿嬌早排喺台灣拍網劇《動物系戀人啊》，8月底嘅時候，阿嬌就被影到去到聖緹雅診所，當時經理人解釋佢只係經朋友介紹去體驗高壓氧艙，係去改善肩頸舊疾，而唔係微整。
當時，台灣《蘋果》接獲該劇組有人爆料，話好幾次都見到有個高大靚仔嘅男人，會去接阿嬌收工，後來發現阿嬌住喺台北嘅一間公寓式酒店，但因為都從地下場進出，所以影唔到新歡一齊嘅畫面。其實頼弘國曾經被影到著背心輕便裝扮，喺該酒店行出嚟，證實佢哋兩個喺台北一直低調來往。據知兩人噚晚更雙雙在香港有親密互動！
而台灣《蘋果》就問到過頼弘國係唔係同阿嬌拍拖，佢就透過診所大方認愛：「我很喜歡她，她是很好的女生，也是我想認真走下去的對象。」
阿嬌回應新戀情時話:「雖然認識嘅時間不是很長，但是他好關心我，令我有被愛的感覺，雖然他是一個非常忙碌的人，經常飛來飛去，但就算是這樣他仍十分努力去爭取互相了解大家的機會，雖然過往的愛情道路十分崎嶇，但我亦仍然相信愛情，希望今次能得到大家的祝福，我希望這段感情能夠開花結果。」
來源 source: http://hk.apple.nextmedia.com
|
鍾意就快D Share啦！
|
|
|
