探熱針
與初戀女友結婚 4年 楊潮凱做狗年爸爸
09年無綫訓練班入行的楊潮凱，當年得到戚其義提拔， 11年憑《天與地》少年陳豪一角受人留意，由二打六到男配角，視途光明。就算早前在《使徒行者 2》現身首集就死，亦引來網民注意。 13年他與拍拖 11年的初戀女友江玉儀結婚，今年上位做男一的他，仲做埋爸爸， BB明年初出世。
老婆撒嬌
日前早上九時多，在將軍澳的麥當勞見到楊潮凱與老婆排隊買早餐，戴住 cap帽的他，忙於覆電話短訊，手揸已煲好的中藥，而穿鬆身白色背心裙的老婆不時挨在他膊頭撒嬌。排隊人龍長，每當有人逼向老婆，楊潮凱都好緊張把老婆拉埋身保護，而楊太不時以手摸着已隆起的肚皮，驟眼睇，楊太它的 B應近五個月。
初戀女友
三十二歲的楊潮凱與老婆結婚四年，今年造人成功，準備做狗年爸爸，「叮叮係阿凱嘅初戀女友，佢十七歲就同叮叮拍拖，經過十一年愛情長跑先結婚，兩個仲係好 sweet，近呢兩年阿凱拍劇機會多咗，少咗時間陪老婆，又多圈內女藝人朋友，不過叮叮好信佢。前兩年都未有造人計劃，可能見到老友杏兒有咗，搞到佢都想快啲生啩！」楊潮凱身邊友人說。
做網劇男一
入行 8年， 32歲的楊潮凱今年終於能擔正男主角，與張曦文主演的《降魔的番外篇——首部曲》是 big big channel頭炮網劇。雖然每集得 8分鐘，但拍得一啲都唔 hea，網劇重心是馬國明、黃智雯主演的台慶劇《降魔的》的番外篇，是第一次同劇集互相呼應的網劇，據悉大台會強攻宣傳，阿凱有機會升呢！
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
