笑住開工，都幾難頂！！
藝人朱晨麗、伍允龍、劉穎鏇（Tiffany）等正於英國倫敦，為無綫新劇《兄弟》展開兩星期外景拍攝，由於行程緊密，朱朱於乘搭10多小時機程後，還未趕及到酒店梳洗，便要拖住行李會合伍允龍趕到片場開工，兼且首場外景戲份更是談情戲，可謂頂住成身臭汗演對手戲！
朱朱不諱言拍攝過程絕不享受，還有點嘔心感覺，她謂：「落機成個身成陣味，個頭又笠，伍允龍就成面鬚，大家都好污穢，呢個情況談情真係夠晒『難忘』，仲要喺隻船度營造晒浪漫氣氛，但我哋又未係好熟，所以係需要時間投入情緒，其實呢度我主力都係同伍允龍演對手，所有甜蜜嘅嘢都喺呢度發生。」
對Tiffany係妹妹
對於同劇的陳庭欣及劉穎鏇不時上載玩樂照片，實行寓工作於娛樂，朱朱即扁晒嘴大呼羨慕，坦言現時過着日出而作，日落而息的生活，每日連踩10多小時，幸而日前終有一天假期，即聯同港姐師妹Tiffany出城到遊樂場大解放，又到市集閒逛四圍食，不過Tiffany難抵當地天氣而冷病，最終要由朱朱照顧，她謂：「後生女可能着唔夠衫吹親，我就好似照顧妹妹咁畀暖飲品佢飲，成個鐘頭車程幫佢保暖。」
而處女下海拍劇的Tiffany則表示沒想過首次拍劇便可出埠：「我都係第一次嚟英國，好在戲份唔多可以有時間周圍行吓，之後去菲律賓外景就會多啲，嗰日同朱朱去玩好開心，雖然畀啲風吹到頭痛病病地，但多謝佢咁照顧我，同埋劇組全部都好nice，前輩們對我好好，真係好難得。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
