出爐獅城視帝王浩信趕抵倫敦拍劇，即時受到新劇《兄弟》的團隊祝賀。
藝人王浩信日前憑劇集《踩過界》在新加坡擸走《星和無綫電視大獎2017》視帝後，即轉戰英國為新劇《兄弟》拍攝外景，獲《踩過界》的監製林志華及演員在拍攝現場為他開香檳祝賀，浩信當然好識做，收工後拉大隊到唐人街食飯再慶祝！
浩信接受訪問時說：「好多謝《兄弟》嘅團隊同我喺英國食呢餐飯，我哋都要同監製林志華慶祝，《踩過界》係佢嘅作品，我哋好多演員都憑套劇攞到獎。」問有否信心於台慶頒獎禮奪得「最佳劇集」，他又謂：「依家嘅成績對《踩過界》都已經好有交代，其他嘢唔諗咁多住，亦都恭喜《同盟》攞到呢個獎，其實唔係邊套劇攞到或攞唔到呢個獎就係開心定唔開心，反而係希望所有劇集都受觀眾歡迎。咁當然我都好希望《踩過界》之後攞到『最佳劇集』，信心係要有嘅，但對手都好強，之後《溏心風暴》我都有份參與，希望都有機會。」
最想得到「最佳劇集」
而監製林志華則希望王浩信及李佳芯可以在台慶頒獎禮再下一城：「我對佢哋好有信心，無論佢哋嘅演出同努力，值得有呢個獎勵畀佢哋，不過其他對手都好強，希望佢哋順利至於『最佳劇集』呢樣嘢係屬於全套劇嘅，《踩過界》質素大家有目共睹，我都好期望同成組人分享呢個成果。」
說到現時《兄弟》於英國的拍攝情況，王浩信說：「非常順利！呢度未至於好凍，大家都拍得好開心。」監製林志華補充：「啲演員嘅造型都好靚，希望大家鍾意。」
來源 source: http://hk.on.cc
|
鍾意就快D Share啦！
|
|
|