掃呢頁CODE去手機

2017年10月4日 星期三

蕭正楠黎耀祥叮囑小心 曹永廉闖賭城登台唔敢周圍走 __,正楠,曹永廉,黎耀祥,蕭正楠,

曹永廉本月中將「衝出亞洲」,到美國登台。
蕭正楠黎耀祥叮囑小心曹永廉闖賭城登台唔敢周圍走憑無綫劇《公公出宮》和《超時空男臣》而人氣急升的曹永廉,即將「衝出亞洲」獲邀到美國登台兼過生日。雖然豬籠 ...


蕭正楠黎耀祥叮囑小心 曹永廉闖賭城登台唔敢周圍走

憑無綫劇《公公出宮》和《超時空男臣》而人氣急升的曹永廉,即將「衝出亞洲」獲邀到美國登台兼過生日。雖然豬籠入水,但日前拉斯維加斯發生槍擊事件,好兄弟蕭正楠和黎耀祥均叮囑他凡事小心,阿廉亦承諾不會「周圍走」。對於主辦方有意安排著名色士風樂手Kenny G為他伴奏,阿廉笑言受寵若驚!

入行超過20年的曹永廉近年人氣爆燈,去年勇奪台慶頒獎禮「最佳男配角」,人紅工作自然多,除11月初夥拍好兄弟蕭正楠和黎耀祥等到布吉拍攝旅遊節目《公公出埠》外,本月中他將到美國三藩市及拉斯維加斯登台,本月16日52歲生日的他,屆時要「留守」美國開工!

唔敢高攀Kenny G

雖然收入可觀,然而拉斯維加斯近日發生恐怖槍擊案,阿廉今次可謂「冒險」搵真銀!據他了解,登台工作並不會因此取消,他昨午接受電話訪問說:「海報都出咗,應該唔會改期嘞。根據行程,我會先到三藩市唱3場騷,留幾日再等廿零號落拉斯維加斯唱多1場,依家咁樣惟有自己小心啲囉。」

阿廉坦言抵埗美國後,並沒打算「四圍去」﹕「到時會帶埋iPad去,喺房睇吓嘢、玩吓,再唔係落街喺附近食吓嘢、跑吓步,唔會周圍亂走嘞。今次啲騷喺室內舉行,安全性應該會高啲啩。」談到10月16日生日,他表示今年在美國度過:「咁生日做騷好事嚟嘅,唔係成日有咁多騷畀你做嘛。大會同我講,話想安排Kenny G幫我伴奏,我聽到受寵若驚,真係唔敢高攀喎。」

阿廉好友蕭正楠目前在多倫多登台,對於阿廉將到拉斯維加斯,他說:「佢今年都幾多登台演唱,會叫佢小心啲。會叫佢唔好咁貪玩、唔好周圍走,你知拉斯維加斯都好多吸引嘢嘛!」當提到槍擊案,阿蕭坦言:「睇到呢啲新聞當然唔開心,但要搵食搏緊殺都冇辦法,希望大家平平安安。今次我喺多倫多室內演唱,都安全啲,大家唔使擔心。」

祥仔寸兄弟「贈興」

至於黎耀祥得悉阿廉月中往登台,即打趣說:「唔擔心嘅,嗰啲二萬人嘅音樂會,阿廉呢啲廿幾人嘅演唱會應該好安全嘅。」每年農曆新年祥仔都會到拉斯維加斯登台,明年亦不例外,他淡定回應:「我哋通常都係做酒店晚宴同貴賓聚會嘅登台,而且室內嘅多,唔係完全Open畀公眾,我會盡量避免去人多地方,唔使太擔心,況且都唔擔心得咁多。」

文:影視組






鍾意就快D Share啦!