22歲參加亞洲小姐，大熱贏咗冠軍之後，梗係要力棒啦。距離當時參選，已經過咗21年，o依家煒哥都43歲，亞視都熄咗機，煒哥就喺大台繼續藝人生涯。
上年陳煒主持咗節目《煒哥的味道》，煮食節目改嗰咁嘅名，真係夠晒奇特。但陳煒嘅稱號，唔止呢一個，佢之後，曾經拍咗個沐浴露廣告，被廣告商賜名「沐浴巨星」！沖涼都可以沖到去巨星級，普通人真係做唔到。
講番煒哥過檔大台之後，已經唔係青春少艾，份人成熟咗，多咗樣武器引人注意，大台把握呢一點，安排咗啲女強人角色俾佢，同時又有啲性感演出，所以煒哥紅過以前。
最犀利嘅一次係上年台慶，煒哥同高海寧、陳自瑤、張秀文等人壓軸表演跳肚皮舞，更「胸」贏高Ling，雖然事後佢話因為加咗墊先有咁嘅效果，不過無論係舞姿定服飾，都已經贏晒啦。
來源 source: http://hk.apple.nextmedia.com
|
鍾意就快D Share啦！
|
|
|
