網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月15日 星期日

【拍戲頻NG】 阿嬌俾小美當眾爆粗問候?經理人Mani:佢停唔到咁喊 __,阿嬌,鍾欣潼,

(新增回應)個個都拍拖,唔通阿嬌(鍾欣潼)唔想拍拖咩!就係咁,今年36歲,以往好少講感情事嘅阿嬌,日前甜蜜承認同台灣婦科醫生賴弘國拍拖,仲話想呢段感情 ...


(新增回應)

個個都拍拖,唔通阿嬌(鍾欣潼)唔想拍拖咩!

就係咁,今年36歲,以往好少講感情事嘅阿嬌,日前甜蜜承認同台灣婦科醫生賴弘國拍拖,仲話想呢段感情可以開花結果o忝!(新聞連結:http://bit.ly/2kPXkJ7 )

阿嬌同賴弘國撻着,有傳係因為女方早排過台灣拍新戲《動物系戀人啊》,經朋友介紹認識嘅。不過,蜜運緊嘅阿嬌,今日就俾台灣《蘋果日報》爆出,指佢喺拍《動》片時,試過有一場戲狂NG,搞到拍檔賀軍翔(小美)好鬼嬲,仲忍唔住即場爆粗,搞到阿嬌爆喊。

報道指有劇組人員爆料,話套戲其實要拍3個月,但臨煞科前,阿嬌中途要請假,飛大陸參加商演活動,之後再趕返台灣拍戲,唔知係咪舟車勞頓太過頻撲,劇本冇背好頻頻NG,因此激嬲同佢有大量對手戲嘅賀軍翔,結果遭賀爆粗問候,自責加上當眾受辱,所以咪喊起上嚟囉。

日前喺煞科宴上,劇組人員仲講緊呢件「花生」事件。記者就此事問導演瞿友寧,佢話:「那天我沒有聽到也沒看到賀軍翔有罵髒話,但阿嬌有哭,她事後有傳簡訊給我道歉,說真的是太累所以詞沒有背好。我說沒關係,休息就好了,之後都拍得很順利。」

問導演會唔會因為賀軍翔對戲有人心不在焉,先會忍唔住爆粗?瞿友寧話:「這我就不知道了,至少最後殺青時他們還是好好的,還互相擁抱。」 針對此事,賀軍翔透過發言人否認話:「合作得非常愉快,不需要渲染不實的傳言。」

對於阿嬌被指遭賀軍翔鬧爆而喊爆,阿嬌經理人霍汶希Mani今日回應話:「個巡迴演唱會一早喺個劇之前接咗,佢做演唱會之後返番去劇組,20幾個鐘頭冇瞓好攰,嗰場戲其實冇對白嘅,唔係傳聞咁樣話佢甩劇本,只不過有個動作係導演叫佢擺啲cream落小美(賀軍翔)個口,佢聽唔到擺咗落塊面,所以佢好自責,唔夠精神聽唔到導演講嘅嘢,所以佢好自責咁喊囉,停唔到咁喊,但小美絕對冇鬧佢,同埋嗰日佢係拍唔到,所以佢想喺度同各位影響到嘅人仕包括小美同導演講聲對唔住。」



未發生爆粗事件前,阿嬌同小美試過一齊行夜市,當時二人關係唔錯。(網上圖片) 有指阿嬌冇熟讀劇本,拍戲時頻頻NG,激嬲小美。(網上圖片)
有傳阿嬌拍《動物系戀人啊》時,撻着賴弘國。(資料圖片) 《動》片導演瞿友寧回應台灣傳媒時,承認見過阿嬌喺片場喊。(資料圖片)

鍾意就快D Share啦!