掃呢頁CODE去手機

2017年10月16日 星期一

【狗仔出更】失婚Toby有市場 向哎吔男友撒嬌正印冇眼睇 __,Toby,梁靖琪,

梁靖琪(Toby)喺2014年與富貴老公黃敏豪(Aaron)離婚,婚姻僅維持年半,有指離婚導火線係Toby同「阿哥」吳卓羲當年喺三亞拍《衝上雲霄II》 ...


梁靖琪(Toby)喺2014年與富貴老公黃敏豪(Aaron)離婚,婚姻僅維持年半,有指離婚導火線係Toby同「阿哥」吳卓羲當年喺三亞拍《衝上雲霄II》外景,因為Toby鬼妹仔性格,同卓羲喺泳池玩到過晒火位出事。(相關新聞﹕http://bit.ly/2uGPcyA)

離婚3年,Toby早前透露前夫已再婚,Toby就有一位拍拖年幾嘅「大隻仔」男友陳基燊。不過,Toby話晒受過情傷,所以今次處理感情事都好低調。日前Toby與男友及兩男一女友人去中環九如坊一間越南餐廳食晚飯,佢哋由8點幾食到近10點,幾支啤酒落肚,傾到雞啄唔斷。Toby坐喺大隻仔男友身旁,雖然冇親暱舉動,但不時眉來眼去,非常之sweet。

離開時,Toby男友最後步出,而穿上黃衫襯超短熱褲嘅Toby,見到其中一位穿上深色衫嘅男友人用視像與朋友傾偈,即時飛撲埋去,對住鏡頭揮手。但男友人就好唔俾面咁話:「你睇佢瘦到,瘦乸到非洲雞一樣。」搞到Toby好尷尬,忍唔住撒嬌「唧」咗對方個肚一吓,男友自顧自與另一位男士傾偈,似乎見慣女朋友咁玩,所以冇乜反應。

之後一行人沿住歌賦街行去攞車,期間發現記者,一班朋友鳥獸散,男友更行到最開位置。問到係咪同男友去食飯?Toby笑笑口話:「邊個男朋友呀,咁多個男仔。」呢個時候,剛才俾Toby「唧肚」嘅男士就衝出嚟話:「我係男朋友。」Toby哈哈大笑話:「哈哈哈,佢係男朋友呀。」而「真」男友就繼續迴避鏡頭,個樣好似好灰咁「唉」咗一聲,要身邊朋友搭膊頭安慰。

Toby話:「我哋食得好開心呀,唔使工作,咁有朋友開舖,所以試吓之嘛。」之後就一齊攞車離開。

(攝影﹕梁繼光、羅德光) Toby相約一班朋友去中環飯聚。 Toby與男友一齊坐,不時四目交談。
陳基燊一停飲啤酒。 Toby同男友(左一)最後離開餐廳。 Toby見友人玩視像電話時表現興奮。
被取笑太瘦似非洲雞,Toby即有啲尷尬,做出好多鬼臉。

之後更喺男友面前「唧」深色衫嘅男士。
發現記者,一班朋友即彈開。 深衫男自認係Toby男友,反而真正男友(左二)一直冇出聲。 深衫男話﹕「我係男朋友囉。」
陳基燊個樣好唔開心,嘆咗一口氣,身旁友人加以安慰。 Toby近年愛上健身,與大隻仔外型相襯。(網絡圖片)

鍾意就快D Share啦!