網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月7日 星期二

【我老公係發哥(7)】31年恩愛婚姻秘訣 情聖發哥送花蒸蟹製驚喜 __,發哥,周潤發,

周潤發有民間特首之稱,可想而知佢係好受市民喜歡,連網民都特登喺Facebook幫佢開咗個名為捕獲野生發哥嘅群組,俾大家上載同發哥嘅合照。每個接觸過發哥 ...




周潤發有民間特首之稱,可想而知佢係好受市民喜歡,連網民都特登喺Facebook幫佢開咗個名為捕獲野生發哥嘅群組,俾大家上載同發哥嘅合照。每個接觸過發哥嘅fans都對佢讚口不絕,話佢作為巨星都冇架子,好鬼nice,講嘢又風趣抵死。

問下發嫂喺佢眼中嘅發哥,私底下又係點呢?同市民睇到嘅發哥係咪一樣?發嫂話:「基本上都唔係有好大分別,係好愛錫老婆、家人,包括我家、佢個家, 呢一個絕對冇得否應到今時今日都係靚仔,永遠都係靚仔。」發嫂仲話發哥個人好細心:「佢知我鍾意食蟹,佢就自己去街市買咗兩隻蟹畀我,蒸埋喎!咁咪就畀我驚喜囉!佢間唔中都會畀我驚喜嘅!」嘩!讚到咁厲害,問發嫂老公有乜缺點?佢諗咗一下笑話:「好性急囉!話做就要做。佢係急到 例如約咗人7點食飯,佢6點半未夠已經stand by,著好鞋,將部車開喺門口,俾你知道我已經準備好,你哋出得門口未。不過當時成班朋友都望住佢,問佢駛乜咁早出發,佢就係驚死會遲到嘅人。」

發嫂仲爆料喺屋企嘅發哥,其實好靜,話不多講。佢最怕同老公一齊喺廚房煮飯仔,發嫂話:「我兩個一定唔可以一齊落廚,佢入廚房我就癲咁樣,因佢廚飯周圍好亂架!我就唔得咁樣,我一路煮一路執嘢同洗嘢!平時我都鍾意落廚,煮新加坡餸最多,好似咖喱魚頭、咖喱雞、海南雞飯同肉骨茶都識整,老公都好鍾意食,佢講過全世界嘅咖喱係我煮得最好食、最啱佢胃口。」

成間屋咁大,得佢地兩公婆住,咁發哥唔多講嘢,咁發嫂咪好悶?佢話:「我唔會悶喎,因為有好多嘢搞,一方面要搞佢啲合約,二方面要做自己嘅投資,仲有打理間屋,真係好鬼忙,反而老公我就希望佢專注做演員,其他嘢唔使佢煩,有事我就來頂,等佢可以得閒去影吓相、行山同跑步放鬆下,做佢想做嘅嘢,演員係咁先健康。」

採訪:陳月媚、倩宜

攝錄:卓振輝、廖達燊、吉吉

攝影:郭賢興、陳順禎

協力:林德雄

髮型:Byron Ho、Louis

化妝:Fiona To

場地提供:香港嘉里酒店

「我老公係發哥」:《蘋果》娛樂即時 X「娛果——蘋果娛樂」,10月30日起,逢周一至五刊登。

【我老公係發哥(1)】懷孕十個月女兒胎死腹中 發嫂堅持順產:我點都要經過呢個過程

http://bit.ly/2xybbWp

【我老公係發哥(2)】「我個女死咗喇!」發嫂冇坐月:發哥即刻帶我離港

http://bit.ly/2ie4zpq

【我老公係發哥(3)】發嫂爆發哥追女手法 日日寄PostCard晚晚追魂Call

http://bit.ly/2xEQAzu

【我老公係發哥(4)】結婚係驚喜 發哥曾表明:你要記住,我唔會娶你㗎!

http://bit.ly/2z52aFO

【我老公係發哥(5)】日付發哥幾百蚊零用 買樓興一炮過俾晒錢

http://bit.ly/2xTy7iY

【我老公係發哥(6)】賭前作法? 發嫂先係女賭神:真係年年贏到開巷

http://bit.ly/2y4k2zc

更多娛聞,喺晒《娛果》

http://fb.com/appledailyent



發嫂煮得一手好菜,發哥曾讚她煮的咖哩是最好食。 發哥經常給發嫂生日驚喜,每次都會送花。
發哥發嫂恩愛三十多年,秘訣來自生活小驚喜。 發嫂眼中嘅發哥,就係好愛錫老婆嘅好老公。 一廚房不能藏二虎!因為發嫂嫌發哥搞到廚房烏煙瘴氣。

鍾意就快D Share啦!