雷莊𠒇（左圖）話希望人哋睇得到佢嘅好身材。
應屆香港小姐冠軍雷莊𠒇與亞軍何依婷現身慈善晚宴，未見二人穿得性感。問雷莊𠒇是否在無綫台慶性感完，所以今日穿得較為密實？她說：「可以咁講，但都冇咩所謂，有好多裙我都着得到。（「限奶令」通告對你冇咩限制？）可以咁講，同埋我都唔介意，平時做開運動身材好，都希望人哋睇得到。（但公司唔畀性感？）暫時係香港小姐要保持形象，我覺得都啱嘅，要聽公司意見，想我着咩就着咩。（台慶條裙係公司揀？）係，佢哋知道我Carry到咩裙，會設計或者揀適合嘅畀我。」她直言自己不介意性感，對自己身材有信心，問男友會否介意？她說：「唔介意，大學嗰時大家都玩排球，知我係點嘅人，係Very Normal。」
撐「限奶令」
何依婷認同「限奶令」通告是對的，在不同場合要做不同的事，她說：「條裙都好靚，係健康性感，公司安排咩都會着，都好Match。（出Trip有女同事陪會比較安心？）多個人陪梗係好，有人傾偈冇咁悶，女仔之間都有個照應，係好事。」
冇時間改名
問雷莊𠒇是否已更改身分證上的「𠒇」變做「兒」字？她表示今個月比較忙碌，所以未有時間處理：「最近整咗張回鄉證，但都係用番『𠒇』字，有時間就會去改，但唔係咁介意，都係『兒』字，唔會讀錯。」
來源 source: http://hk.on.cc
|
鍾意就快D Share啦！
|
|
|
