歌手鄺美雲（Cally）一直視愛犬Cash如親人，可是狗狗年事已高，今年14歲的Cash證實患上癌症，胰臟有腫瘤，癌細胞已擴散到全身，情況不樂觀，雖然Cash已搬離ICU入住護理病房，但狗狗呼吸有點困難，且食欲大減，令Cally又傷心又擔心，日日以淚洗面。據知，獸醫曾詢問過Cally可需為Cash打針，令狗狗舒服點「離開」，但Cally拒絕，除不捨外，只想狗狗自然離去。
追求完美
而Cally將於周四假黃埔舉行首張《C AGAIN》HIFI專輯音樂分享會，Cally所屬的星娛樂唱片公司執行董事Tommy Chu接受東網訪問時表示：「Cally心情係好沉重，不過佢好專業嘅，音樂分享會會照常舉行。」談及Cally相隔近二十年再推出唱片，Tommy指Cally一直有意推出唱片，可是因為要求高，且她的公務繁多，才一直未有推出新碟，直至和他傾合作時，他才加速Cally出碟的進度，Tommy說：「其實張唱片籌備咗三年，Cally唱歌仍然保持水準，有啲歌一take過搞掂，連佢音樂監製趙增熹都話冇問題，但Cally堅持要錄多幾次，但最後都係要番第一Take。（Cally會唔會開演唱會？）佢係唔抗拒嘅，不過要畀時間佢，因為Cally追求完美，唔鍾意有瑕疵。」
翻唱經典金曲
Cally的專輯重新演繹不少經典金曲，包括《再坐一會》、《堆積情感》、《唇印》，以及張國榮的《為你鍾情》，還有鄧麗君的《千言萬語》、《甜蜜蜜》、關正傑的《雪中情》，還有梅艷芳的《心債》等，Tommy表示：「Cally話依家呢個時間出碟就啱啱好，因為如果年紀再大啲，好難再唱情歌。」
成功傾掂Cally再出碟的Tommy跟Cally關係密切，兩人曾是寶麗金唱片公司的高層及歌手關係，而Tommy過去兩年曾成功捧紅吳業坤及鄭欣宜，捧吳業坤上紅館舉行演唱會外，又幫欣宜開音樂會，更為打造欣宜唱《女神》歌曲，令兩人成為2015及2016年度「我最喜愛的男、女歌手》，而Supper Moment演唱會亦是由Tommy的星娛樂唱片公司有份主辦。
仍在工作的Cally接受東網電話訪問，她心情相當沉重，說話欲言又止稱Cash現情況較好，因為她要工作，要待工作完才可探愛犬。問到是否很傷心，她說心情OK，但已有心理準備，因工作太忙無暇多想，問可會不捨得愛犬？她無奈說：「都要面對嘅。（獸醫提議送Cash走？）我冇諗咁早，不過佢好攰，成日要瞓覺啫，盡量醫啦、盡量。（仲有希望？）又唔敢講，因為呢啲好反覆，盡量啦，因為我好錫佢，佢半歲就開始做義工，多謝大家關心。」
----------------------------
東網巨星開咗ig喇，大家快啲follow
https://goo.gl/KGuo2Nx
|
鍾意就快D Share啦！
|
|
|
