無綫前主播小飛俠林燕玲戀情一向低調神秘，她去年與年輕一歲的金融才俊葉浩文出席公開場合讓感情曝光。二人感情發展迅速，本月初在海外秘密註冊結為夫婦，昨日二人在fb才公告婚事，並搞小型結婚派對宴請圈中友人，她笑言要向好友黃婉曼取生仔經生B。
現年39歲、人稱「小飛俠」的林燕玲（Ruby）效力過無綫做新聞主播，現職為林建岳的麗新集團傳訊部副總裁。Ruby戀事一向低調，去年與於復星資本任職執行總經理的葉浩文（Kirk）出席活動，戀情才曝光，據知兩人皆熱愛跑步，不時與一班財經界朋友一齊練跑才跑出愛火花。
新娘大解放
Ruby與Kirk拍拖一年多，二人發展神速，昨日下午齊齊在facebook搞驚喜公告喜事，貼上婚紗相，以中英文寫上：「我們結婚了！從今天起將展開我們人生的新一頁。謝謝大家祝福！」據知，Ruby早於月初已榮升葉太，一對新人先到海外註冊，昨日就在尖沙嘴唐人館搞小型結婚派對，派對以簡約為主。作為主角的Ruby更罕有性感解放，穿了一件白色超低胸婚紗，再換一條吊帶立體花花透視裙，相當搶鏡吸睛。出席派對的除了新娘老闆林建岳外，還有一班好友，包括Neway太子爺薛世恒、黃婉曼與老公馮柏基、利嘉兒夫婦、名公關鄭紹康及昔日同是新聞主播蔡雪瑩及駱文捷等。
Ruby榮升葉太，昨日在回覆本報時難掩興奮心情，透露婚宴共邀請約100人參加：「因為我哋想簡單啲，所以搞咗個wedding party。全部朋友都係我逐個邀請，咁多朋友都嚟咗，真係好開心、好感動，可以一次過同大家宣佈『我哋結婚喇！』」提到派對的感動位，Ruby表示宣誓一刻感動落淚，又說：「其實最感動係老公平時好少講嘢，但今日佢講好多嘢，勾起好多回憶。」
問到求婚過程，Ruby表示：「浪漫㗎，但想留番少少秘密。」至於婚後會否「不設防」？她笑說：「咁要向黃婉曼取經，仲有蔡雪瑩，我都要跟佢哋學習做幸福人妻，生小朋友就隨緣。」
最緊要體力
對於Ruby點名要向黃婉曼取生仔經，已有一女的黃婉曼表示：「最緊要好體力，佢哋成日做運動，生唔難，湊B真是要十級體力，戥佢哋好開心，我哋係玩開一對對，幾個family，兩公婆一齊玩，佢哋其中一對，佢哋兩個都係開心人。Kirk私下好穩重，好錫Ruby。好幸福，好戥佢哋開心。Ruby係朋友中最後嫁，希望佢快生小朋友，咁我哋啲小朋友可以一齊玩。」而鄭紹康提到一對新人在台上提到多謝父母養育之恩時感動落淚，好友蔡雪瑩表示：「祝佢白頭到老，永結同心，最緊要快啲生小朋友同我囝囝一齊玩」
採訪：嵐山、陳杰、唐如
|
鍾意就快D Share啦！
|
|
|
