為咗頭家，可以去到幾盡？講緊嘅係陳豪。
陳豪喺台慶劇《誇世代》入面，本來係飾演銀行家歐陽震華(Bobby)嘅徒弟，不過因為陳豪飾演嘅角色係一個機關算盡嘅人，所以佢哋嘅關係好快就反目，Bobby嘅性格亦都係狂妄自大，喺一次意外同吳業坤交換咗身份，喺性格上有好大嘅轉變，反而同番陳豪、張繼聰做好朋友。
喺現實生活好努力搵奶粉錢嘅陳豪，日夜癲倒去拍戲搵錢，喺劇中，陳豪為咗幫屋企報仇，喺好友嘅提議下，決定追求尚家四千金李佳芯，但係李佳芯喺屋企受盡歧視，失寵嘅佢索性走去參加選美，仲做咗半紅不黑嘅明星仔，希望用出位嘅行徑，得到屋企人嘅關注！
查實今次陳豪喺劇中真係搏到盡，好似佢今次同森美瘋狂操肌，仲搵咗「肌神」張繼聰從旁指導，結果摵甩咗中年危機，操出六嚿綫條分明嘅腹肌，真係好Man爆！有好嘢梗係要分享吓喇，所以陳豪今次堅負起「show body」嘅工作，喺第一集已經赤裸上身去攀石，隔住個mon都已經俾佢電暈，跟住除咗佢同森美嗰場打拳戲之外，仲有一場係話陳豪同李佳芯去生日party，喺一班餓女嘅威迫兼利誘，竟然除衫跳脫衣舞，不過始終電視尺度有限，所以陳豪又係齋裸上身！
喺鏡頭前見到醉爆嘅李佳芯喺陳豪身上摸嚟摸去，又有跳吓辣身舞，聽講今次陳豪嘅角色係衰男人，唔知會唔會又吸引一班女fans呢？而呢套劇拎番以前俾網民笑爆嘅誇張場面，好似其中有一幕係話陳豪模仿關禮傑喺《叛逃》嗰場天台跳樓戲，雖然關禮傑係成功跳過，但係陳豪就唔小心受傷，仲一度癱咗，雖然李佳芯有照顧，不過梗係唔會錯過整蠱陳豪嘅機會！
更多娛聞，喺晒《娛果》
http://fb.com/appledailye14:13 2017/11/01nt
|
鍾意就快D Share啦！
|
|
|