熱爆娛樂: 【爆相爆片】同CoCo甩拖1個月 22歲猷君孖28歲國產超模蜜遊東京 _

2017年11月5日星期日

【爆相爆片】同CoCo甩拖1個月 22歲猷君孖28歲國產超模蜜遊東京 __,猷君,

有錢靚仔便是任性？

今年22歲嘅四房孻仔何猷君，除咗靚仔有錢仲要學歷高，身邊幾乎從不缺異性嘅佢，連情史都多過人，兩年換畫達4次之多，女伴咩類型國籍都有。(前度有西甲班主女Kimmy、混血索女，少女標本袁紫僑CoCo等等...)(新聞連結：http://bit.ly/2kSjYR4 )

仲記得舊年，猷君同CoCo喺萬聖節前夕，化身小丑同小丑女十指緊扣同遊海洋公園，戀情正式公開，原以為小情侶可以一齊過渡今年萬聖節，點知日前二人宣佈分手一個月，戀情一年未夠玩完。猷君仲將自己IG昔日同CoCo拍拖甜蜜照片刪走，情況就如之前佢同西甲班主女Kimmy分手一樣。當時猷君好灑脫咁話：「見到終點咪分開。」而CoCo事後亦語帶相關話二人分手一個月，報道出得啱晒「timing」。(新聞連結：http://bit.ly/2yrsRpH )

其實啱timing嘅，又豈止宣佈分手？原來猷君新歡早已登場，日前有讀者Carman透過《蘋果》「爆相爆片」，見到猷君同一高䠷女仔喺東京鬧市現身，二人喺一間專賣美少女戰士嘅精品店出現。Carman表示：「上個禮拜六(14日)，見到猷君同個女仔喺一間商場出現，個女仔都好高，幾乎拍得住猷君。個女仔揀緊嘢嗰陣，猷君就好細心同有耐性企喺側邊畀意見，女仔走嗰陣，猷君就跟住喺後面快步跟出去。」

《蘋果》翻查資料，猷君呢位新歡原來大有來頭，佢係同陳冠希女友秦舒培齊名嘅大陸四大超模之一嘅奚夢瑤(Ming Xi)。(其餘兩個係劉雯同孫菲菲)今年28歲嘅奚夢瑤，上海出生，09年獲得第26屆世界精英模特兒大賽總決賽前15名，從此踏上模特兒之路。早年簽約成為華誼兄弟藝人。奚夢瑤除咗為唔少國際品牌行天橋，更多次為國際著名內衣品牌Victoria Secret行騷。

睇番奚夢瑤嘅IG，被讀者影到嘅前一日，就貼咗張枕頭同牀嘅相留言話：「Wow! Come to Japan very very happy」再附加4個心心，令人無限聯想……

唔知…呢對姊弟戀，又會唔會開花結果呢？

更多娛聞，喺晒《娛果》

http://fb.com/appledailyent

	上周六(14日)，猷君俾蘋果讀者影到同奚夢瑤同遊東京。(圖片由讀者提供)	二人喺Sailor Moon Store睇精品。 (圖片由讀者提供)
女友行出舖頭，猷君尾隨。(圖片由讀者提供)	(圖片由讀者提供)	猷君新歡奚夢瑤，經常幫Victoria Secret行騷，身材一流。(網上圖片)
(網上圖片)	(網上圖片)	喺IG中，不時貼水着相。(網上圖片)
(網上圖片)	(網上圖片)	同Taylor Swift合照。(網上圖片)
(網上圖片)	同陳冠希女友秦舒培齊名。(網上圖片)	（資料圖片）
奚夢瑤早前喺上海有為劉嘉玲品牌Anirac行騷，嘉玲更轉貼對方post，又慰問對方「早日康復」，相信二人關係不俗。(網上圖片)	（資料圖片）	喺奚夢瑤嘅IG中，亦經常貼有Sailor Moon卡通相，相信佢係美少女戰士忠實fans。(網上圖片)
舊年猷君同CoC扮小丑同小丑女遊海洋公園，被踢爆戀情。(資料圖片)	仲一齊去見家長，不過戀情已屬過去式。(資料圖片)	同Kimmy分手後，猷君被影到攬實混血索女行超市，但呢位女伴只屬曇花一現。(資料圖片)
同西甲班主女Kimmy當時愛得高調。(資料圖片)