2009年度叱咤頒獎禮，謝安琪摘女歌手銀獎，當年她的冠軍歌包括《祝英台》、《年度之歌》等等。這年叱咤，就是張繼聰形容的，那個「非常想又非常怕去依個Party」。
當時張繼聰的抑鬱病非常嚴重，謝安琪也患有抑鬱，女方事業起飛，外間形容為「女尊男卑」，張繼聰被變姓成為「謝繼聰」，而謝安琪亦屢受整容傳聞、走音及感情生活等是非困擾。
當晚森美宣佈謝安琪摘女歌手銀獎，鏡頭已對對準台下的張繼聰。見他表面鎮定，但難掩緊張之色，笑容僵硬，動作不敢多，原來他是服了藥才出席頒獎禮：「片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比人點嘲笑，總之九萬幾個層次又li又lu……同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾佢嘅試……。」
重溫當晚片段，謝安琪的得獎心聲，她說：「好開心可以攞到呢個獎，今年我經……經歷過嘅嘢真係好多，我今年覺得自己好似重新一次去認識我自己係咪真係咁鍾意音樂，為咗音樂，原來我可以為咗音樂，忍受好多嘅嘢。」此時謝安琪聲線已開始發抖：「為咗音樂，原來我真係可以做到一啲，自己冇諗過可以完成嘅事。」此時她沅默半晌，全場報以熱烈掌聲，台下的張繼聰一邊拍掌，一邊報以回心微笑。
此時謝安琪已經語帶哭音：「er……我好想多謝，我屋企嘅小朋友。每一次我見到佢好努力咁，用佢自己嘅方法去了解呢個世界，我先至明白，我咁努力去做呢件事，希望透過音樂，呢個世界可以美好一啲。我望見佢好努力去認識呢個世界，我覺得，我搵到點解我要咁努力，因為我想衷心話俾佢聽，呢個世界係美好嘅。」鏡頭再影住神情緊張繃緊的張繼聰，他笑了一笑，鼻子通紅。
台上的謝安琪最後說：「希望大家繼續愛呢個世界，多謝你。」張繼聰一直強忍淚水，身旁的泳兒卻不停抹淚。
影片尾聲，才派最大粒洋蔥。當時台下燈光轉暗，焦點集中台上的謝安琪準備獻唱得獎歌曲時，張繼聰才敢偷偷抹淚。抹了一把，然後再抹一把，動作快如閃電，惟恐又被誤會「借妻宣傳」。
| （無綫電視截圖） | | |
| | | |
| | | |
| | | |
| | |
|
鍾意就快D Share啦！
|
|
|